तिलगङ्गा पशुपति क्षेत्रका अतिक्रमित घर भत्काइँदै
काठमाडौंमा पाकिस्तानी खाना फेस्टीबल हुने
वि.सं.२०८२ माघ ६ मंगलवार १५:३९
936
shares
shares
काठमाडौंमा ‘पाकिस्तान फुड फेस्टिभल’ हुने भएको छ । नेपालीलाई पाकिस्तानी खानाको स्वाद चखाउन काठमाडौंस्थित पाकिस्तानी दूतावासको सहकार्यमा सो फेस्टिभल हुन लागेको हो ।
फेस्टिभल यही माघ २२ गतेदेखि हुँदैछ । तीन दिनसम्म चल्ने फेस्टिभल ठमेलस्थित अलफ्ट होटलमा आयोजना हुनेछ । यसको आयोजक इलेभेन इलेभेन र पर्ल कन्टिनेन्टल होटल्स एण्ड रिसोर्ट्स क्युलिनरी हुन् ।
आयोजकका अनुसार फेस्टिभलमा पाकिस्तानका चर्चित र परम्परागत परिकारहरु प्रस्तुत गरिनेछ । बिरयानी, कबाब, कराही, नान, हलीम, टिक्का, मिठाईलगायत विभिन्न पाकिस्तानी स्वादिष्ट परिकार फेस्टिभलमा चाख्न पाइनेछ ।
फेस्टिभलमा सहभागी हुन प्रतिव्यक्ति साढे तीन हजार रपैयाँ शुल्क तोकिएको छ । यो फेस्टिभलले नेपाल–पाकिस्तानबीचको सांस्कृतिक तथा कुटनीतिक सम्बन्धलाई थप मजबुत बनाउने अपेक्षा गरिएको छ ।
