पहिलाको जस्तै मुख्य सचिव र सचिवहरु देउसी खेल्लान् ?

तत्कालिन प्रतिनिधिसभाको २०७४ र २०७९ का दुवै कार्यकालयमा निजामित विधेयकको मस्यौदा तयार...

Abhiyan Weekly

आन्तरिक उडान गरिरहेका निजी वायुसेवा कम्पनीहरूले हवाई इन्धन मूल्य अत्यधिक बढ्दा सेवा बन्द गर्नुपर्ने अवस्था नदी किनारमा रहेका जोखिमयुक्त बस्तीहरूको स्थानान्तरण प्रक्रियाका क्रममा छुटेका नागरिकलाई सम्पर्कमा आउन आह्वान सुनको मूल्य घट्यो अमेरिकासँग फेरी युद्ध सुरू हुन सक्छ: इरान आइपीएल : चेन्नई सुपर किग्सको चौथो जित, प्लेअफमा पुग्ने सम्भावना कायमै पाकिस्तानमा पनि मनाइँयो बुद्ध जयन्ती राष्ट्रपति पौडेलले दिए विश्व प्रेस स्वतन्त्रता दिवसको उपलक्षमा शुभकामना अध्यादेशबाट क-कसले गुमाए आ-आफ्नो पद ? यस्तो छ आजको लागि तोकिएको विदेशी मुद्राको विनिमय दर आजको मौसम : सातै प्रदेशमा वर्षाको सम्भावना तिलगङ्गा पशुपति क्षेत्रका अतिक्रमित घर भत्काइँदै त्रिभुवन विश्वविद्यालय सेवा आयोगका अध्यक्ष प्रा.डा. भट्टराईले राजीनामा दिए

नेपाल र चीनबीचको सम्बन्धलाई नयाँ उच्चाइमा पुर्याउने चिनिया राजदूतको भनाई

Abhiyan Weekly

वि.सं.२०८२ फागुन २ शनिवार १५:२०

1.6K
shares

काठमाडौं । नेपालका लागि नयाँ चिनियाँ राजदूत चाङ माओमिङ नेपाल आइपुगेका छन् । उनले शुक्रवार नेपाल आएर आफ्नो कार्यभार सम्हालेका हुन् ।

कार्यभार सम्हाल्दै राजदूत चाङले दुई देश बिचको सम्बन्धलाई नयाँ उचाइमा पुर्‍याउने प्रतिबद्धता व्यक्त गरेका छन् । २३ औँ चिनियाँ राजदूतका रूपमा नेपाल आएका उनले ‘चीन-नेपाल साझा भविष्य’ निर्माणका लागि हात मिलाएर अघि बढ्नुपर्नेमा जोड दिएका छन् ।चीनले नेपालको राष्ट्रिय स्वतन्त्रता, सार्वभौमसत्ता र क्षेत्रीय अखण्डताको रक्षाका लागि सधैँ समर्थन गर्ने र नेपालले पनि ‘एक–चीन’ सिद्धान्तप्रति देखाएको दृढ प्रतिबद्धताबारे प्रशंसा गरेका छन् । राजदूत चाङले नेपालमा रहँदा आफूले ‘जनमुखी कूटनीति’ लाई प्राथमिकता दिने बताउँदै नेपालस्थित चिनियाँ दूतावासले यहाँ रहेका चिनियाँ नागरिकहरूको हित रक्षाका लागि अभिभावकको रूपमा काम गर्ने र उनीहरूको वैधानिक अधिकारको रक्षा गर्ने प्रतिबद्धता जनाएका छन् ।

राष्ट्रपति सी जिनपिङको विश्वासिलो दूतका रूपमा काम गर्न पाउनु आफ्ना लागि सम्मान र जिम्मेवारी दुवै भएको उल्लेख गर्दै उनले नेपाल र चीन हिमाल र नदीले जोडिएका अभिन्न छिमेकी मात्र नभई पुस्तौँदेखिको मित्रता र साझा विकासका साझेदार भएको बताए । उनले भने, ‘दौत्य सम्बन्ध स्थापना भएको ७१ वर्षयता हाम्रा दुई देशले सुख–दुःखमा एक अर्कालाई साथ दिँदै असल छिमेकीको उत्कृष्ट उदाहरण प्रस्तुत गरेका छन् ।’सन् २०१९ मा राष्ट्रपति सी जिनपिङको ऐतिहासिक नेपाल भ्रमणले द्विपक्षीय सम्बन्धलाई अझ उचाइमा पुर्‍याएको स्मरण गर्दै उनले बीआरआई अन्तर्गतका सहकार्यलाई अझ सुदृढ बनाउने बताए ।

सन् २०२६ चीनको १५औँ पञ्चवर्षीय योजनाको सुरुवात हुने वर्ष भएको जानकारी दिँदै राजदूत चाङले चीनको आधुनिकीकरण र उच्चस्तरीय खुलापनले नेपालका लागि विकासका नयाँ अवसरहरू सिर्जना गर्ने विश्वास व्यक्त गरे । ‘ग्लोबल साउथ’ बिचको एकता र विभिन्न वैश्विक चासोका विषयहरूमा मिलेर काम गर्ने समेत उनले बताए ।अघिल्ला राजदूत चेन सोङका् ठाउँमा चाङ आएका हुन् । चेन आफ्नो कार्यकाल पुरा गरी स्वदेश फर्किसकेका छन् । चीनको विदेश मन्त्रालयको एसियाली मामिला विभागका उपमहानिर्देशक भएर काम गरिसकेका चाङलाई नेपाल मामिलाका जानकार मानिन्छ ।

नेपालमा भइरहेको चुनाव र बदलिँदा भूराजनीतिक परिवेशमा उनको आगमन भएको हो । उनी नेपालका लागि भने नयाँ होइनन् । चाङले यसअघि विभिन्न समयमा नेपालको भ्रमण गरिसकेका छन् । नेपालीहरूसँगको उच्चस्तरीय भेटघाटमा पनि उनी पटक पटक संलग्न भइसकेका छन् ।

प्रकाशित मिति / समय : वि.सं.२०८२ फागुन २ शनिवार १५:२०