काँग्रेसले टुङ्ग्यायो प्रमुख सचेतक र सचेतक
अमेरिकी राष्ट्रपति ट्रम्पको उदघोष : तेलको मूल्य बढनुले हामी धेरै कमाउँछौ
वि.सं.२०८२ फागुन २९ शुक्रवार ०८:१९
1.24K
shares
shares
काठमाडौं । अमेरिकी राष्ट्रपति डोनाल्ड ट्रम्पले तेलको मूल्यमा वृद्धि अमेरिकाका लागि फाइदाजनक भएको बताएका छन् । उनले अमेरिका विश्वको सबैभन्दा ठूलो तेल उत्पादक भएको र यसको बढ्दो मूल्यले देशको लागि बढी राजस्व उठ्ने बताए ।
‘संयुक्त राज्य अमेरिका विश्वको सबैभन्दा ठूलो तेल उत्पादक देश हो । जब तेलको मूल्य बढ्छ, हामीले धेरै पैसा कमाउँछौँ,’ ट्रम्पले बिहीबार ट्रुथ सोसलमा लेखेका छन् ।ट्रम्पले सबैभन्दा महत्त्वपूर्ण कुरा इरानलाई आणविक हतियार प्राप्त गर्नबाट रोक्नु रहेको बताए । ट्रम्पका अनुसार इरानले हतियार प्राप्त गर्यो भने यसले मध्यपूर्व मात्र नभई सम्पूर्ण विश्वलाई नै ठूलो खतरा निम्त्याउन सक्छ ।
ट्रम्पको यो भनाइ इरानले विश्वको सबैभन्दा महत्त्वपूर्ण तेल मार्गमध्ये एक होर्मुजको जलडमरूम नखोल्ने बताएपछि आएको हो । होर्मुज जलडमरूम मध्यविश्वको सबैभन्दा महत्वपूर्ण समुद्री मार्ग हो । यहाँबाट विश्वको ठूलो परिमाणमा तेल आपूर्ति हुने गर्दछ ।
यसैबीच, अन्तर्राष्ट्रिय ऊर्जा एजेन्सी (आईईए)ले इरानको बढ्दो आक्रमणले इतिहासमै विश्वव्यापी तेल आपूर्तिमा सबैभन्दा ठूलो अवरोध निम्त्याउन सक्ने चेतावनी दिएको छ ।
