संसदलाई छलेर ल्याइएका अध्यादेश स्वीकृत नगर्न बिपक्षी ४ दलको राष्ट्रपतिलाई आग्रह
राप्रपाको कमल थापालाई आफ्नो निणॅयमा पुनबिचार गनॅ आग्रह
वि.सं.२०७८ माघ २५ मंगलवार १८:५५
442
shares
shares
राष्ट्रिय प्रजातन्त्र पार्टीले पूर्वअध्यक्ष कमल थापालाई पार्टी छाड्ने निर्णयमा पुनर्विचार गर्न आग्रह गरेको छ ।
अध्यक्ष राजेन्द्र लिङ्देनको अध्यक्षतामा आज केन्द्रीय कार्यालयमा उपलब्ध पदाधिकारीको बैठकले उक्त आग्रह गरेको हो । राप्रपाले अनपेक्षित तथा अप्रत्यासितरूपमा व्यक्तिगत तवरले थापाले पार्टीबाट अलग हुने भनी घोषणा गरेको भन्दै दु:ख जनाएको छ ।
‘पार्टीबाट अलग हुने उहाँको निर्णयमा पुनर्विचार गर्न राप्रपा अनुरोध गर्दछ । राप्रपा पार्टी स्थापनाको उद्देश्य, हालै सम्पन्न महाधिवेशनले तय गरेको राजसंस्था, हिन्दूराष्ट्रको पुनःस्थापना लगायतका सैद्धान्तिक अवधारणा र कार्यदिशामा अविचलित छ’, प्रवक्ता मोहन श्रेष्ठको हस्ताक्षरमा जारी विज्ञप्तिमा भनिएको छ, ‘यस घटनाबाट सवै तहका नेता, कार्यकर्ता र शुभेच्छुकहरुलाई दुविधामा नपर्न र विचलित नहुन राप्रपा आग्रह गर्दछ । साथै आसन्न स्थानीय तहको निर्वाचनको तयारीमा जुट्न पार्टीका सबै तहका साथीहरूलाई हार्दिक आह्वान गर्दछ ।’
