बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस
शाह हिमालयन जनरलको सियोमा नियुक्त
वि.सं.२०७८ माघ २७ बिहीवार ०९:५८
689
shares
shares
हिमालयन जनरल इन्स्योरेन्सको सीईओ रहेका सुशील बज्राचार्यलाई कम्पनीले हिजो एक कार्यक्रम गरी विदाई गरेको छ । आफ्नो कार्यकाल छोट्याएर कम्पनीबाट बाहिरिएका बज्राचार्यको बुधवार कर्मचारीहरूले बिदाइ गरेका हुन् । त्यस्तै कम्पनीले नयाँ सीईओमा विजयबहादुर शाहलाई नियुक्त गरेको छ । शाहलाई सीईओ नियुक्त गर्न बीमा समितिले बुधवार साँझ मात्रै स्वीकृति प्रदान गरेको छ । शाह एनएलजी इन्स्योरेन्स र नेपाल इन्स्योरेन्समा सीईओ सम्हालिसकेका व्यक्ति हुन् ।
कम्पनीले सीईओ बज्राचार्यलाई ४ वर्षको लागि दोस्रो कार्यकालको लागी नियुक्त गरेको थियो तर कार्यकाल सकिन डेढ वर्ष अघिनै इन्स्योरेन्सबाट बाहिरिएका हुन् । शाहले फागुन १ गतदेखि हिमालयन जनरल इन्स्योरेन्सको सीईओको कार्यभार सम्हाल्ने बताइएको छ । नेपाल इन्स्योरेन्सको सीईओ पदबाट ४ बर्से कार्यकाल सकेर गत साउन ९ गते बाहिरिएका थिए । शाहले ६ महिनाको कलिङ पिरियड सकेका हुन् ।
सीईओ शाह फिलिपिन्समा सचिवालय रहेको विकासशील देशहरूको बीमा तथा पुनर्बिमा सङ्घको अध्यक्ष समेत रहेका छन् । शाह नेपाल व्यवस्थापन सङ्घबाट २०१४ मा वर्षको उत्कृष्ट व्यवस्थापकबाट सम्मानित समेत भएका थिए । बीमा र अन्य क्षेत्रमा ३५ वर्ष भन्दा बढीको अनुभव शाहसँग छ ।
शाह देशमा कार्यरत बीमा कम्पनीहरूको साझा सङ्गठन नेपाल बीमक सङ्घलाई संस्थागत गरी २ कार्यकाल अध्यक्ष समेत भएका थिए । शाह बीमाका ज्ञाता र बीमाको बारेमा देश तथा विदेशमा जागरण ल्याउने व्यक्ति हुन् । शाहले बीमाका बारेमा विभिन्न देशी, विदेशी सङ्घ, संस्था, दातृनिकायसमेत सुझाव सल्लाह दिँदै आएका छन् ।
