दुई दिन महाकाली नदीको तटीय क्षेत्रका स्थानीयलाई सतर्कता अपनाउन आग्रह
अन्धभक्त हुनु भनेको दास हुनु नै हो
वि.सं.२०८३ असोज १५ बिहीवार ११:४८
715
shares
shares
काठमाडौ । समयले मानिसलाई कसरी उचाल्छ र पछार्छ भन्ने प्रमाण त धेरै पहिलादेखि नै देखिँदै आएका छन् । कसैलाई उचाल्न निकै समय खर्चिनुपर्ने हुन्छ तर कसैलाई खसाल्न विपक्षीहरुको आवश्यकता नै पर्दैन । आवश्यकताभन्दा बढी उचालिदिए पुग्छ । बास्तविकता भन्दा ठूलो बनाईदिए पुग्छ जब वास्तविकता त्यो छविसँग मेल खाँदैन त्यसबेला त्यो ताली नै ट्रोलमा बदलिन थाल्छ ।
पछिल्लो समयमा प्रधानमन्त्री बालेन साह आफ्नै अन्धभक्तहरुको अतिरन्जित प्रचारबाजी र बाहवाहीका कारण पछिल्लो समयमा आलोचना र ट्रोलको पात्र बन्न थालेका छन् । उनीहरुकै कारण प्रधानमन्त्री बालेनको वजन घट्न थालेको चर्चा समेत यतिबेला चल्न थालेको छ । बालेनका अन्धभक्तहरुले उनलाई यतिधेरै उचालेकी जनतामा बालेनप्रति असाधारण अपेक्षा पैदा भयो । अतिरञ्जित प्रचारवाजी नै चलाइयो ।
विश्वले बालेनलाई नेपालको मात्र होइन विश्वकै नेताका रुपमा हेरिरहेको र उनलाई हेर्न र भेट्न विश्व नै व्यग्र प्रतिक्षामा रहेको र विश्वमै उनको आक्रामक क्रेज रहेको तथा उदाउँदो चतुर राजनीतिका र असाधारण मास्टर माइण्ड भएको र्दुलभ नेता भन्ने किसिमले अतिरञ्ञित भ्रम फैल्याइयो । तर वास्तविकतामा बालेनको त्यो छवि मेल खाँदैन । ताली नै विस्तारै ट्रोलमा बदलिन थाल्छ र त्यसबेला बालेनका अन्धभक्तहरु भन्न थाल्छ पुराना दलहरुले बालेनलाई काम गर्न दिएनन् भनेर ।
काठमाडौबासीले बालेनको काम गराई, सोँच, विचार उनी मेयर हुँदै देखिसकेका छन् । उनी कसैलाई गन्दैनन् आफ्ना अन्धभक्तबाहेक अरुलाई भेट्दैनन् । राजनीतिज्ञमा हुनुपर्ने धेरै गुणहरु बालेनमा देखिँदैन । आफ्ना विपक्षीहरुलाई सम्मान गर्न सक्दैनन् र त्यही कारणले गर्दा उनका अन्धभक्तहरु सामाजिक सञ्जालमा रमाउन थालेका छन् ।
सामाजिक सञ्जालमै बालेन सरकार रमाउन थालेका हुनाले उनको अन्धभक्तहरुले पनि त्यसै गर्न थालेका हुन् । राजनीतिज्ञहरुले समर्थक र विपक्षी को भनेर छुटाउने होइन सबैलाई समान व्यवहार गर्नुपर्ने आवश्यकता हुन्छ । अहिले रास्वपाको बहुमत रहेको भएपनि त्यो सँधैभरीका लागि होइन र बालेन पनि सँधैभरिका लागि प्रधानमन्त्री होइनन भन्ने हेक्का बालेनका अन्धभक्तहरुले समयमै बुझ्नु आवश्यक छ । आवश्यकताभन्दा बढी अन्धभक्त हुनु भनेको दास हुनु नै हो ।
