पृथ्वीराजमार्गको गल्छीमा सडक भासिँदा सवारी आउजाउ बन्द
एमालेको स्थायी कमिटी बैठक लम्बियो
वि.सं.२०८३ असोज २३ शुक्रवार १७:१२
169
shares
shares
काठमाडौँ । नेकपा एमालेको स्थायी कमिटी बैठक लम्बिएको छ ।
बिहीबार सुरु भएको बैठकमा शुक्रबार विभिन्न पार्टी कमिटी र सङ्गठनलाई पूर्णता दिने एजेन्डामा छलफल भएको प्रचार विभाग प्रमुख नीरज आचार्यले जानकारी दिए ।
उनका अनुसार बैठक शनिबार दिउँसो १ बजे बस्नेछ । शुक्रबारको बैठकमा अध्यक्ष केपी शर्मा ओलीले प्रस्ताव गरेका स्थायी कमिटी र केन्द्रीय कमिटी लगायत मनोनयन सदस्यका थप नाममा नेताहरूले असन्तुष्टि जनाएपछि पुन छलफल गरेर निर्णयमा पुग्ने गरी बैठक स्थगित गरिएको हो । एमालेले स्थायी कमिटी, पोलिटब्युरो र केन्द्रीय सदस्य मनोनयन तथा विभागसहित विभिन्न पार्टी कमिटीलाई पूर्णता दिन बाँकी छ ।
एक स्थायी कमिटी सदस्यका अनुसार शुक्रबारको बैठकमा अध्यक्ष ओलीले विभिन्न कमिटीमा प्रस्ताव गरेका नाममा सहमति जुट्न नसकेपछि बैठक शनिबार बस्ने गरी स्थगित भएको हो ।
