कर्मचारीलाई १५ दिनमै तलब दिन सुरू
सांसद मोहन बानियाँ विरूद्ध पक्राउ पुर्जी जारी
वि.सं.२०७८ फागुन ४ बुधवार २०:१०
481
shares
shares
जुम्ला । नेकपा एमालेका नेता तथा मुगुका सांसद मोहन बानियाँ विरूद्ध पक्राउ पुर्जी जारी भएको छ ।
जुम्लाकी एक महिलाले पूर्वमन्त्री समेत रहेका बानियाँले बाँके स्थित अप्सरा होटलमा जबरजस्ती करणी गरेको मुद्दा जिल्ला अदालत बाँकेले पक्राउ पुर्जी जारी गर्न आदेश दिएको हो । महिलाको जाहेरीको आधारमा बिहीबार बानियाँ विरूद्ध जबरजस्ती करणी मुद्दा जिल्ला प्रहरी कार्यालय बाँकेमा दर्ता भएको जिल्ला प्रहरी प्रवक्ता डिएसपी मधुसूदन न्यौपानेले बताए ।
उनीविरूद्ध पक्राउ पुर्जी जारी भए त्यस बारे सदनमा जानकारी दिनुपर्ने प्रावधान रहे बमोजिम सभामुख तथा सदनलाई समेत जानकारी दिइएको प्रवक्ता न्यौपानले बताए । ती महिलाले दिएको उजुरी पछि जानकारी दिँदा पूर्वमन्त्री समेत रहेका बानियाँले आफू निर्दोष रहेको भन्दै आफै प्रहरीमा उपस्थित हुने प्रहरीलाई बताएको भए पनि पछिल्लो समय भने उनी सम्पर्क विहीन छन्।
पीडितले भने आफूले दिएको २५ लाख रुपैयाँ फिर्ता गर्छु भनेर होटलमा बोलाएको र त्यही होटलमा बिहानीपख जबरजस्ती करणी गरेको जाहेरीमा उल्लेख गरेकी छन् । त्यसबारे नेता बानियाँले त्यो सबै झुट भएको र पैसा पनि ती महिलाले पाइसकेको भन्दै अब केही कुरा पनि आफूहरूको बीचमा नरहेको भन्दै बचाउ गरेका थिए ।
