Abhiyan Weekly

सङ्घीय संसद् प्रतिनिधिसभाको सचिव पदमा प्रकाश अधिकारी नियुक्त नेपाल आयल निगमका कार्यकारी निर्देशक डा. भट्टले पदबाट राजीनामा दिए विदेशी मुद्रा जोगाउन भारतले सुनचाँदीको आयातमा भन्सार शुल्क बढायो संसदको दोस्रो बैठक पनि स्थगित प्रतिपक्षीको अवरोधपछि प्रतिनिधिसभा बैठक स्थगित गरेर सभामुख अर्यालले परामर्श थाले मन्त्रालयको सख्या २२ बाट घटाएर १८ मा सिमित मन्त्रिपरिषद् बैठकका चार वटा मुख्य निर्णय सार्वजनिक स्मार्ट सेल घोटला काण्डमा ज्योति प्रकाश पाण्डे पक्राउ शैक्षिक क्यालेन्डर हेरफेर, हिउँदे र बर्से बिदा घटाएर ३० दिन कायम जलस्रोत सम्बन्धी नयाँ छाताकानून ल्याउने सरकारको तयारी भारतीय विदेश सचिवलाई नेपालले दियो नेपाल भ्रमणको निम्तो आजपनि बढ्यो अमेरिकी डलरको मूल्य आज सम्मकै महगो : यस्तो छ आज बुधवारकालागि तोकिएको विदेशी...

स्थानीय तहको उम्मेदवार छान्ने अधिकार कस्कसलाई?

Abhiyan Weekly

वि.सं.२०७८ चैत १ मंगलवार २०:०६

533
shares

नेकपा एमालेले स्थानीय तहका उम्मेदवार छान्ने अधिकार जिल्ला, प्रदेश र केन्द्रलाई दिएको छ । मंगलबार बसेको एमाले सचिवालय बैठकले स्थानीय तहका उम्मेदवार छान्ने अधिकार जिल्ला, प्रदेश र केन्द्रलाई दिएको हो । आगामी वैशाख ३० गते हुने स्थानीय तहको निर्वाचनमा पार्टीबाट हुने उम्मेदवार छान्ने अधिकार जिल्ला, प्रदेश र केन्द्रलाई छुट्टाछुट्टै दिएको एमाले प्रचार विभाग प्रमुख तथा उपमहासचिव पृथ्वी सुब्बा गुरुङले जानकारी दिए ।

गुरुङका अनुसार वडा अध्यक्ष र वडासदस्यको उम्मेदवार जिल्ला कमिटीले टुंगो लगाउनेछ । गाउँपालिकाका अध्यक्ष र उपाध्यक्ष तथा नगरपालिकाका मेयर र उपमेयरको उम्मेदवार जिल्ला कमिटीको सिफारिसमा प्रदेश कमिटीले निर्णय गर्नेछ । यस्तै महानगरपालिका र उपमहानगरपालिकाका मेयर र उपमेयरको उम्मेदवार जिल्ला र प्रदेश कमिटीको सिफारिसमा केन्द्रीय कमिटीले टुंगो लगाउने गुरुङले बताए ।

उनका अनुसार चैत ९ र १० गते केन्द्रीय समितिको बैठक बोलाउने निर्णय गरेको छ । यस्तै चैत ७ गते पोलिटब्युरोको र १३ गते स्थायी कमिटीको बैठक बस्ने उनले जानकारी दिए । केन्द्रीय कमिटीको बैठकमा अध्यक्ष केपी शर्मा ओलीले राजनीतिक प्रतिवेदन पेश गर्नेछन् ।

प्रकाशित मिति / समय : वि.सं.२०७८ चैत १ मंगलवार २०:०६