थुन्ने अनि सुन्ने प्रवृत्तिको अन्त्य हुनैपर्दछ

सरकारले अपवादका लागि पाएको सुविधालाई दुरुपयोग गर्दै जब नियमित बनाइन्छ त्यसले कति सम्म...

Abhiyan Weekly

भीष्मराज आङ्देम्बेलाई संसदीय दलको नेता बनाउने कांग्रेसको निर्णय मन्त्रिपरिषद बैठक बस्दै त्रिभुवन विश्वविद्यालय जग्गामा बनेको क्रिकेट रङ्गशाला भत्काउने निर्णय भएको हो भने त्यो गलत हो :... सुनचाँदीको मूल्य बढ्यो इरानले पाकिस्तान मार्फत अमेरिका समक्ष पठायो नयाँ शान्ति प्रस्ताव संसदीय दलको नेता छान्न र कारबाहीको निर्णय लिन आज कांग्रेसको तिनवटा बैठक बस्दै दवाव, धम्की र घेराबन्दीको अबस्थामा वार्तामा बस्दैनौं : इरानी राष्ट्रपति प्युठानमा चट्याङ लागेर बाबुछोराको निधन आजदेखी सुरू हुँदै कक्षा १२ को परीक्षा, गत बर्षभन्दा ९३ हजार विधार्थी घटे निजामती ट्रेड युनियनहरूले गरे माग अधिकार कटौती स्वीकार छैन, अधिकार कटौती गरे आन्दोलन गर्ने घोषणा यस्तो छ आज सोमवारकालागि तोकिएको विदेशी मुद्राको विनिमय दर आज सोमबार यी प्रदेशमा मध्यम बर्षाको सम्भावना

गौतम निवासको बैठक सापकोटालाई फलिफाप

Abhiyan Weekly

वि.सं.२०७६ माघ ९ बिहीवार १६:४८

611
shares

काठमाडौ । सत्ताधारी दल नेपाल कम्युनिष्ट पार्टीका दुई अध्यक्ष बीचको आन्तरिक द्वन्द्व बाहिरी रुपमा केही मथर भएको जस्तो देखिएपनि भित्री रुपमा भुसको आगो सल्किएजस्तो सल्कँदै गएको छ । नेकपाको सचिवालयमा रहेका ९ जना मध्येका ४ जना सदस्यहरुले पार्टीका कार्यकारी अध्यक्ष पुष्पकमल दाहाललाई सहयोग गर्ने बचन दिएका हुनाले सचिवालयमा प्रधानमन्त्री समेत रहेका पार्टी अध्यक्ष केपी शर्मा ओली अल्पमतमा परेका छन् । तत्कालिन नेकपा एमाले भित्रको गुट उपगुटको व्यवस्थापन हुन नसक्दा अहिले तत्कालिन नेकपा एमाले र माओवादी केन्द्रबीच एकीकरण भएपश्चात् पनि पुरानै गुटले गर्दा नेकपालाई संकट पर्ने निश्चित जस्तै भएको छ ।

केही समय पहिला नेकपाका नेता एवं प्रस्तावित उपाध्यक्ष वामदेव गौतमको भैसेपाटी निवासमा पार्टी अध्यक्ष पुष्पकमल दाहालसहित वरिष्ठ नेता झलनाथ खनाल, माधव नेपाल र नारायणकाजी श्रेष्ठको बैठक बसेको थियो । त्यही बैठकले खनाल, नेपाल, गौतम र श्रेष्ठले पार्टी अध्यक्ष दाहाललाई समर्थन गर्ने निर्णय गरेका थिए । श्रेष्ठ पहिला देखिनै अध्यक्ष दाहाल पक्षकै भएकाले पार्टी सचिवालयमा रहेका ९ जना मध्येका ५ जनाले अध्यक्ष दाहाललाई समर्थन गर्ने भएपछि प्रधानमन्त्री केपी ओली सभामुखमा आफ्नो अडान छोड्न बाध्य भएका थिए । पार्टीका नेता गौतमले निकै पहिला देखि नै संविधाननै संशोधन गरेर आफूलाई सांसद बनाउँदै प्रधानमन्त्री बनाउनुपर्ने अडान लिँदै आएका छन् । उनको भनाईमा राष्ट्रियसभाको सदस्य प्रधानमन्त्री हुन नपाउने संवैधानिक व्यवस्थालाई परिवर्तन गरी आफूलाई प्रधानमन्त्री बनाउन पार्टीका नेताहरुले सहयोग गर्नुपर्ने बताउँदै आएका भएपनि एक व्यक्तिलाई प्रधानमन्त्री बनाउन संविधाननै संशोधन गर्न प्रधानमन्त्री ओली सहमत नभएपछि गौतम दाहालको शरणमा पुगेका छन् ।

अध्यक्ष दाहालले भनेकै व्यतिm सभामुख बनेपछि नेपाल कम्युनिष्ट पार्टीभित्रको रडाको बाहिर आउन सक्ने सम्भावना देखिएको छ । तत्कालिन नेकपा एमाले भित्रको गुट र उपगुटको नेतृत्व केपी ओली र माधव नेपालले गर्दै आएका र ओली र नेपाल बीचको सम्बन्ध समेत राम्रो हुन नसकेका हुनाले अहिले नेपाल ग्रुपलाई साथमा लिएर दाहालले ओली गुटलाई कमजोर अवस्थामा पु¥याउन सक्ने सम्भावना बढेको छ । यदि त्यसो भएमा नेकपा विभाजनको संघारमा पुग्न सक्ने एक नेताले बताएका छन् ।

प्रकाशित मिति / समय : वि.सं.२०७६ माघ ९ बिहीवार १६:४८