Abhiyan Weekly

संविधान भन्दा माथि कोही छैन : कामु प्रधानन्यायाधीस मल्ल विधिद्धारा स्थापित पद्धति र परम्परा पालनामा तलमाथि भए समाज भयभित हुन्छ : राष्ट्रपति पौडेल बाग्मतीमा मुख्यमन्त्री फेरिने चर्चा, होला बहादुर लामाकाे ‘रिइन्ट्री’ एमालेको केन्द्रीय कार्यालय आफ्नै जग्गामा बनाउन माग उपत्यकका भूमिहिनहरूको एकीकृत डिजिटल लगत संकलन गर्दै सरकार यस्तो छ आज शनिवारका लागि तोकिएको विदेशी मुद्राको विनिमय दर कस्तो रहला आज शनिवारको मौसम ? सुकुमबासी बस्ती हटाउने सरकारको निर्णयविरुद्ध पेस भएको रिटमा अन्तरिम आदेश जारी सर्वोच्च अदालतका प्रस्तावित प्रधान न्यायाधीश डा. शर्माविरूद्ध उजुरी आह्वान श्रम संस्कृति पार्टीमा आबद्ध भए सुदन किराती बराह सहकारी धरानबाट ठगिएका निक्षेपकर्ताहरूले आफ्नो बचत फिर्ता गराइदिन माग गर्दै लामिछानेलाई पत्र कूटनीतिक संवादमार्फत सीमा समस्या समाधान गर्न प्रतिबद्ध छौँ : परराष्ट्र

नेपाल आयल निगम सँग विभिन्न माग राख्दै आन्दोलित व्यवसायीहरुले इन्धनको ढुवानी देशभर ठप्प बनाए

Abhiyan Weekly

वि.सं.२०७८ चैत १८ शुक्रवार १०:२७

520
shares

काठमाडौं । नेपाल आयल निगमसँग विभिन्न माग राख्दै आन्दोलित व्यवसायीहरुले पेट्रोलियम पदार्थको ढुवानी देशभर ठप्प बनाएका छन् ।

आयल निगमले इन्धन खरिद गर्ने भारतीय डिपो र नेपाल स्थित निगमको डिपो बाट डिलरले खरिद गर्ने सबै प्रकारका पेट्रोलियम पदार्थको ढुवानी रोकिएको नेपाल पेट्रोलियम ढुवानी व्यवसायी महासंघका महासचिव विश्व अर्यालले बताए । ‘निगमको डिपो र डिपो बाट बिक्रेताको लागि हुने लोड/अनलोड रोकेका छौं,’ अर्यालले भने, ‘हाम्रो माग सम्बोधन गर्न निगम तयार भएन ।’

आन्दोलनका कारण ढुवानीमा संलग्न १४ सय ट्यांकर र करिब १ हजार बुलेट बाट पेट्रोल, डिजेल, मट्टितेल, हवाई इन्धन र खाना पकाउने ग्याँसको दैनिक आपुर्ति प्रभावित हुने छ । व्यावसायीको अवरोध कायमै रहे देशभर पेट्रोलियम पदार्थको अभाव हुन सक्नेछ । पेट्रोल तथा डिजेलको दैनिक चार सय ट्यांकर लोड/अनलोड हुने निगमको अमलेखगञ्ज डिपोमा व्यवसायीले इन्धन नउठाउने जानकारी गराएका छन् । ढुवानी अवरोधको प्रभाव सहितको विवरण १० बजे पछि मात्रै थाहा हुने निगमका अमलेखगञ्ज डिपो प्रमुख प्रदीप कुमार यादवले बताए ।

निगमका अनुसार नेपाली सेना, साझा र साल्ट ट्रेडिङबाट हुने ढुवानी भने नियमित छ । काठमाडौंमा इन्धन आपूर्ति गर्ने निगमको थानकोट डिपोका अनुसार बिहीबार साँझ सम्म १३ लाख लिटर डिजेल र ११ लाख लिटर पेट्रोल पम्पहरुले उठाएका छन् । यो इन्धनले काठमाडौं उपत्यकामा करिब डेढ दिनको माग मात्रै धान्छ ।

प्रकाशित मिति / समय : वि.सं.२०७८ चैत १८ शुक्रवार १०:२७