गण्डकी प्रदेश सरकारले सार्वजनिक गर्यो ३३ अर्वको बजेट
उम्मेदवार टुंगो नलगाएका महानगर र उपमहानगरमा तालमेलको नीति लिदै एमाले
वि.सं.२०७९ वैशाख ११ आइतवार ०८:०१
546
shares
shares
काठमाडौं। स्थानीय तह निर्वाचनका लागि नेकपा (एमाले)ले विभिन्न महानगरपालिका र उपमहानगरपालिकाका नगरप्रमुख तथा उपप्रमुखको उम्मेदवार टुङ्ग्याएको भएपनि अझै केही स्थानमा बाँकी रहेको छ । एमालेले उम्मेदवार नटुंग्याएको स्थानमा तालमेलमा जोड दिइएको छ । एमाले प्रचार विभाग प्रमुख पृथ्वीसुब्बा गुरुङले महानगरतर्फ भरतपुरको उपप्रमुख, वीरगञ्जको उपप्रमुख र विराटनगरको प्रमुख र उपप्रमुख टुङ्याउन बाँकी राखेको बताए ।
यस्तै उपमहानगरतर्फ जनकपुरमा प्रमुख तथा उपप्रमुख दुवै टुंगो लगाउन बाँकी छ । यसैगरी कलैयाको उपप्रमुख र जितपुर सिमराको प्रमुख तथा उपप्रमुखको नाम टुङ्ग्याउन बाँकी राखिएको छ । यी ठाउँमा तालमेलको सम्भावनालाई मध्यनजर गर्दै अहिलेलाई नाम खाली राखेको गुरुङले बताए ।
पार्टी अध्यक्ष केपी शर्मा ओली निवास बालकोटमा शनिबार बसेको एमाले केन्द्रीय सचिवालय बैठकले काठमाडौँ महानगरपालिकाको प्रमुखमा केशव स्थापित, उपप्रमुखमा सुनिता डङ्गोल, ललितपुरमा प्रमुख हरिकृष्ण व्यञ्जनकार, उपप्रमुख मञ्जली शाक्य बज्राचार्य, पोखरा प्रमुखमा दीपक पौडेल, उपप्रमुखमा मञ्जुदेवी गुरुङ, भरतपुरको प्रमुखमा विजय सुवेदी, वीरगञ्जमा प्रमुख विजय सरावगीलाई उम्मेदवार बनाउने गरी निर्णय गरेको थियो ।
उपमहानगरपालिका तर्फ धनगढीको प्रमुखमा रणवहादुर चन्द, उपप्रमुखमा चन्द्रकला राना थारू, नेपालगञ्जको प्रमुखमा पशुपतिदयाल मिश्र, उपप्रमुखमा शान्तिदेवी ढकाल, तुलसीपुरको प्रमुखमा टीकाराम खडका, उपप्रमुखमा सानी चौधरी, घोराहीको प्रमुखमा नरुलाल चौधरी, उपप्रमुखमा मनकुमारी डिसी, बुटवलको प्रमुखमा बाबुराम भट्टराई, उप्रमुखमा सावित्रादेवी अर्याल, हेटौँडाको प्रमुखमा अनन्त पौडेल, उपप्रमुखमा सुमित्रा काफ्ले, धरानको प्रमुखमा मन्जु काफ्ले भण्डारी, उपप्रमुखमा पदम लिम्बू, इटहरीको प्रमुखमा यामकुमार सुब्बा, उपप्रमुखमा सङ्गीता चौधरी, कलैयाको प्रमुखमा विनोद शाहलाई उम्मेदवार बनाउने निर्णय भएको थियो ।
