सबैको सहमतिमा मात्र संविधान संशोधन हुनुपर्दछ

प्रधानमन्त्री बालेन साह नेतृत्वको सरकारले गत चैत्र १६ गते आफ्नै सल्लाकार असिन साहको...

Abhiyan Weekly

रास्वपा महाधिवेशनको वेथिति हर्दा हामीले देश चलाउन सक्दैनौ है साथी हो : रास्वपा नेता एंव... सुकुमवासीको स्थायी विकल्प र बस्ने ठाउँ नदेखाइ जबरजस्ती निकालिएमा आफूहरू पुरानै बस्तीमा फर्केर छाप्रो हाल्न... रास्वपा महाधिवेशन : २ हजार ९५९ मत खस्यो, केहीबेरमा मतगणना राष्ट्रिय सभा बैठक बस्दै नबसी स्थगित विष्णु पौडेलको बन्दी प्रत्यक्षीकरण रिटमा कारण देखाउ आदेश जारी आज शुक्रवार प्रतितोला ५२०० ले घटयो सुनको मूल्य, कतिमा हुँदैछ कारोवार ? विष्णु पौडेल पक्राउ विरूद्धको बन्दीप्रत्यक्षी करणरिटको आज सुनुवाइ हुने सरकारले हस्तक्षेप गरेको भन्दै फिफाले नेपालमाथि लगायो प्रतिबन्ध यस्तो छ आज विहिवारका लागि तोकिएको विदेशी मुद्राको विनिमय दर भेनेजुएलामा शत्तिशाली भूकम्प, मानविय क्षति धेरै भएको आशंका आज बिहिवार निर्जला एकादशी : तुलसीको दल राख्ने दिन मनसुनी, पश्चिमी र स्थानिय वायुको प्रभाव : आज बिहिवारको मौसम कस्तो रहला ?

काठमाडौं महानगरपालिकाको मेयरमा बिजयी भएका स्वतन्त्र उम्मेदवार बालेन साहले बिजयी जुलुसको आयोजना नगर्ने

Abhiyan Weekly

वि.सं.२०७९ जेठ ११ बुधवार १२:४४

559
shares

काठमाडौं ।काठमाडौं महानगरपालिकाको मेयरका उम्मेदवार बालेन्द्र साह (बालेन)ले निर्वाचनको परिणामलाई जित–हारको रुपमा नहेर्न अपील गरेका छन् । आफू निर्वाचित हुने सुनिश्चित भएपछि उनले फेसबुक पेज मार्फत एक वक्तव्य जारी गरी आफ्नो समर्थकहरूलाई विजय जुलुस नगर्न र त्यसकै नाममा विभिन्न जिल्लाबाट काठमाडौं नधाउन अपील गरेका हुन् ।

‘जित-हारलाई मतगणना सकिए सँगै सकिदिऊँ । घोषणापत्रमा भएका कुराहरू लागु गर्न सकेका दिन सबै मिलेर विजय उत्सव मनाउँला’ उनले वक्तव्यमा भनेका छन्, ‘अहिले विजय जुलुस भनेर अरुलाई पराजित भन्ने संकेतसम्म पनि नगरौं।’ उनले लेखेका छन्, ‘स्थानीय तह निर्वाचन २०७९ मा हामीलाई मत दिने, समर्थन गर्ने तथा निर्वाचन प्रक्रियामा सामेल हुने सबैलाई धन्यवाद छ । अहिले यति भन्न सकिन्छ कि, हामी काठमाडौं महानगरको जिम्मेवारी बोक्न योग्य छौं भनेर महानगरका मतदाताहरूले हामीलाई विश्वास गर्नुभएको छ । यहाँ विश्वासको कुरा छ । विश्वासमा जित वा हार हुँदैन ।’

निर्वाचित हुनेले अरु प्रतिस्पर्धीको तुलनामा ज्याद मत ल्याए पनि बहुमत नल्याएको भन्दै उनले आफूलाई मतदान नगर्नेहरुको भावनामा समेत चोट नपर्ने गरी काम गर्ने प्रतिबद्धता गरेका छन् । उनले महानगरको उन्नतिका लागि सबै सँग सहकार्यको आग्रह गरेका छन् । ‘मेरो स्वयंको पनि बढीमा ३५ प्रतिशत मत आउला । यसको अर्थ हो, बदर मतहरू बाहेक बाँकी ५० प्रतिशत जति मतदाताहरुले अरुलाई छनाेट गर्नुभएको छ’ वक्तव्यमा उनले भनेका छन्, ‘हामीलाई मत हाल्ने ३५ प्रतिशतको शिर उँचो पार्दै गर्दा बाँकी ५० प्रतिशतको शिर निहुराउनुपर्ने काम वा संकेत भएको छ कि भन्नेमा ध्यान दिनुपर्छ ।’

ठाउँठाउँ बाट विजय र्‍यालीका नाममा काठमाडौं आउने तयारी भएको सुनिएको भन्दै उनले काठमाडौं आउने ‘दुःख नगर्न’ आग्रह गरेका छन् । उनले भनेका छन्, ‘यसको स्वामित्व हरेक नेपालीले जहाँ बाट जसरी पनि लिइदिए हामी खुसी हुनेछौं ।’ उनले बरु आ-आफ्नो ठाउँबाट धन्यवाद र्‍याली गर्न आग्रह गरेका छन् । आफ्नो अभियानलाई उनले नेपाल भरको अभियान बनाउन आग्रह गरेका छन् ।

निर्वाचित भएदेखि आफ्नो वास्तविक परीक्षा सुरु भएको भन्दै उनले आफ्नो कामकारबाहीलाई खबरदारी गर्न आग्रह गरेका छन् । उनले भनेका छन्, ‘अबको हाम्रो पहिलो यात्रा काठमाडौंको मुहार फेर्नलाई हुनेछ । मिलेर अगाडि बढौं।’

प्रकाशित मिति / समय : वि.सं.२०७९ जेठ ११ बुधवार १२:४४