विष्णु पौडेललाई सात दिन हिरासतमा राखेर अनुसन्धान गर्न मंगलबार म्याद थपको अनुमति
माओवादी केन्द्रको केन्द्रीय समिति बैठकमा एमसीसी बारे बहस नहुने
वि.सं.२०७९ असार १९ आइतवार १३:४७
624
shares
shares
काठमाडौं ।आइतबार देखि सुरु भएको नेकपा माओवादी केन्द्रको केन्द्रीय समिति बैठकमा अमेरिकी सहयोग परियोजना एमसीसी बारे बहस नहुने भएको छ ।
१२ बुँदे ब्याख्यात्मक घोषणा सहित एमसीसी संसद बाट अनुमोदन भएपछि नारायणकाजी श्रेष्ठ सहितका नेताहरुले असन्तुष्टि जनाएका छन् । श्रेष्ठ समूहमा छुट्टै पार्टी बनाउने विषयमा समेत छलफल हुन थालेपछि प्रचण्डले स्थानीय चुनावपछि २० जेठमा केन्द्रीय कमिटी बैठक बोलाउने, एमसीसी बारे बहस गर्ने र फरक मत आए तल्लो तह सम्म लगेर छलफल गर्न दिने सहमति गरेका थिए ।
२० जेठको बैठक पटकपटक सर्दै आइतबार देखि सुरु भएको छ । तर एमसीसी बारे बहस एजेण्डामा नै परेन । प्रचण्डले ९ बुँदे एजेण्डा अघि सारेका छन्, जसमा चुनावको समीक्षा, संगठनात्मक विषय आदि छन् । स्रोतका अनुसार प्रचण्डले श्रेष्ठ समूहका नेतारुलाई एमसीसी बारे अलि पछाडि छलफल गरौंला भन्ने आश्वासन दिएका छन् ।
