२०८२ भाद्र २३ गते भएको जेनजीहरुको विरोध प्रदर्शन र त्यही प्रदर्शनमा भएको दमनको...

पुरा पढ्नुहाेस्

linktrix Long Ad
Salt Trading Long Ad

रुकुम पूर्वमा प्रहरीको गाडी दुर्घटनामा एक प्रहरी जवानको निधन

923
shares

काठमाडौं ।रुकुम पूर्वमा प्रहरीको गाडी दुर्घटनामा एक प्रहरी जवानको निधन भएको छ । जिल्ला प्रहरी कार्यालय रुकुम पूर्वका कार्यालय प्रमुख प्रहरी नायब उपरीक्षक प्रकाश डाँगी चढेको गाडी विहान ११ बजे दुर्घटना हुँदा उक्त गाडीमा सवार प्रहरी जवान लक्ष्मण पुन मगरको निधन भएको हो ।

रुकुम पूर्वको पुथा उत्तरगंगा गाउँपालिका-११ तल्लो सेरा भन्ने ठाउँमा लु १ झ ६६० नम्बरको गाडी दुर्घटना हुँदा घाइते भएका रोल्पाको सुनिल स्मृति गाउँपालिका-२ का पुनको टाउकोमा चोट लागेको थियो । उनको बाँके कोहलपुरको नेपालगञ्ज मेडिकल कलेजमा उपचारका क्रममा निधन भएको लुम्बिनी प्रदेश प्रहरी कार्यालयका प्रवक्ता प्रहरी उपरीक्षक खडकबहादुर खत्रीले जानकारी दिए ।

दुर्घटनामा रुकुम पूर्वका प्रहरी प्रमुख डीएसपी प्रकाश डाँगी, सशस्त्र प्रहरी नायब उपरीक्षक रवीन्द्र श्रेष्ठ, गाडी चालक प्रहरी हवलदार कुमार सिंह डाँगी, प्रहरी जवान सन्तोष बुढा र प्रहरी जवान इन्द्र घर्ती मगर घाइते भएका छन् । प्रहरीका अनुसार शनिबार डीएसपी डाँगी र प्रमुख जिल्ला अधिकारी तुलराम सुनुवार तकसेराको इलाका प्रहरी कार्यालयको निरीक्षणका लागि जाँदै थिए । त्यसै क्रममा डीएसपी डाँगी चढेको गाडी दुर्घटनामा परेको हो ।

स्थानीय निकायका जनप्रतिनिधि, इलाका प्रहरी कार्यालय तकसेराको टोली र स्थानीय वासिन्दाको सहयोगमा उद्दार गरी घाइतेलाई पुथा उत्तरगगा गाउँपालिका-११ डिखिउको हेलिप्याडमा ल्याइएको थियो । त्यहाँ बाट नेपाली सेनाको हेलिकप्टरले घाइतेलाई उपचारका लागि नेपालगञ्ज लगेको प्रदेश प्रहरी कार्यालय लुम्बिनीका प्रवक्ता खडकबहादुर खत्रीले जानकारी दिए । उनका अनुसार घाइतेहरु खतरामुक्त छन् ।

sapta chakra spa
below next and prev inner page
below international hompage
below entertainmnet insurance
napali patro below sports