काठमाडौंलाई पराजित गर्दै सुदूरपश्चिम प्लेअफमा सुरक्षित, शिर्ष स्थानमा उक्लियो
समानुपातिक तर्फ मनोनयको लागि दर्ता गर्ने समय सकियो ७६ दलले दिए निवेदन
वि.सं.२०७९ भदौ १३ सोमवार ०७:३०
1.25K
shares
shares
काठमाडौं ।आगामी मंसिर ४ मा हुने प्रतिनिधि र प्रदेशसभाको निर्वाचनका लागि समानुपातिक प्रणाली तर्फ राजनीतिक दलको मनोनयन दर्ता गर्नका लागि निवेदन दिने समय सकिएको छ ।निर्वाचन आयोगको कार्यालयमा रहेको निर्वाचन अधिकृतको कार्यालयमा मनोनयन दर्ता गर्ने अन्तिम दिन प्रतिनिधिसभा तर्फ ३३ दलले निवेदन दर्ता गराएका छन् ।
पहिलो, दोस्रो र तेस्रो तथा अन्तिम दिनमा गरेर आइतबार सम्म प्रतिनिधिसभा तर्फ ६८ निवेदन मार्फत ७६ दलले निवेदन दर्ता गराएको आयोगका प्रवक्ता शालिग्राम शर्माले जानकारी दिए । उनका अनुसार पहिलो दिन शुक्रबार २९ दल र शनिबार दोस्रो दिन १४ दलले निवदेन दर्ता गराएका थिए ।
आयोगका अनुसार प्रदेश सभा तर्फ भने अहिले सम्म प्रदेश एकमा ५५ निवेदनमार्फत ६३ दल, मधेश प्रदेशमा ५९ निवेदन मार्फत ६७ दल, बागमती प्रदेशमा ५८ निवेदन मार्फत ६६ दल, गण्डकी प्रदेशमा ५२ निवेदन मार्फत ६० दल, लुम्बिनी प्रदेशमा ५४ निवदेन मार्फत ६२ दल, कर्णाली प्रदेशमा ४९ निवेदन मार्फत ५७ दल र सुदुरपश्चिम प्रदेशमा ५० निवेदन मार्फत् ५८ दलले निवेदन दर्ता गराएका आयोगका प्रवक्ता शर्माले बताए ।
समानुपातिक तर्फ मनोनयन दर्ता गर्नका लागि निवेदन दिने ३ दिने समय सिमा आइतबार साँझबाट सकिएको छ । समानुपातिक निर्वाचन प्रणालीका लागि मनोनयन दर्ता गराएका राजनीतिक दलले असोज २ र ३ गते बन्द सूची पेश गर्न पाउने आयोगले जनाएको छ ।
