कांग्रेसका नेता अभिषेक गिरी पक्राउ
नेपाल टेलिकमको नाफा बढाउन प्रबन्ध निर्देशकले बनाए यस्तो योजना
वि.सं.२०७८ भदौ २३ बुधवार १३:५३
637
shares
shares
काठमाडौँ ।नेपाल टेलिकमले नाफा लगातार घटेपछि तीन क्षेत्रमा लगानी केन्द्रित गर्ने रणनीति बनाएको छ । दूरसंचार सेवामा निजी क्षेत्रको एनसेल र फाइबर इन्टरनेट सेवामा निजी क्षेत्रका ठूला आइएसपीहरुसँग प्रतिष्पर्धा गरिरहेको टेलिकमले एफटीटीएच, मोबाइल र लिज कनेक्टिभिटी (इन्टरप्राइजेज) लाई प्राथमिकता दिएर लगानी विस्तार गर्न लागेको हो ।
टेलिकमका प्रबन्ध निर्देशक डिल्लीराम अधिकारीले आम्दानी नघटेका क्षेत्रमा लगानी केन्द्रित गर्ने जानकारी दिएका छन् । विगत तीन वर्षको तथ्यांक केलाउँदै अधिकारीले भने–‘टेलिकमले जुन क्षेत्रमा लगानी गरेको छ सो क्षेत्रमा आम्दानी घटेको छैन ।’ जिएसएम मोबाइल र एफटीटीएच सेवामा टेलिकमले २०७६÷०७७ को तुलनामा २०७७÷७८ मा आम्दानी बढाएको छ ।
अधिकारीले फिक्स्ड लाइन (ल्याण्डलाइन), एडीएसएल, सीडीएमए सेवामा टेलिकमले लगानी गर्नै छोडेको जानकारी दिए। टेलिकमले चालु आवमै सीडीएमए सेवालाई पूर्ण रुपमा मोबाइल सेवामा माइग्रेसन गर्ने रणनीति कार्यान्वयन गरिरहेको छ । टेलिकम वाइम्याक्स सेवालाई पनि माइग्रेसन गर्ने योजनामा रहेको अधिकारीले बताए ।
कम्पनीले लगानी गर्नै छोडेपछि फिक्स्ड लाइन (ल्याण्डलाइन), एडीएसएल र सीडीएमए सेवाबाट हुने आम्दानी ओरालो लागेको छ । कोरोना महामारीको असर सुरु भएसँगै यात्रा प्रतिबन्ध लागेपछि अन्तर्राष्ट्रिय कल, रोमिङ र एसएमएसमा आम्दानी घटेको देखिन्छ ।
टेलिकमले आफ्नो कुल आम्दानीको करिब ७० प्रतिशत भ्वाइस सेवाबाट गर्ने गरेको जनाएको छ । लकडाउनका कारण उक्त आम्दानीमा नराम्रैसँग असर पुगेको अधिकारीले जानकारी दिएका हुन् ।
