गौशाला धर्मशाला विवाद जिल्ला अदालतको फैसला उच्च अदालतबाट सदर , माडवारीको मोहियानी हक नलाग्ने
राष्ट्र बैंकले दसैंको लागि नयाँ नोट दिदै
वि.सं.२०७८ भदौ २७ आइतवार १२:३७
546
shares
shares
काठमाडौँ । नेपाल राष्ट्र बैंकले दसैंका लागि बैंक तथा वित्तीय संस्थाहरुलाई नयाँ नोट उपलब्ध गराएको छ । एक सातायताबाट राष्ट्र बैंकले सबै बैंक तथा वित्तीय संस्थालाई नोट उपलब्ध गराउन थालेको छ ।
यसअघि राष्ट्र बैंकले नौरथा लागेपछि नोट उपलब्ध गराउने गर्दथ्यो । पोहोर नोट नसाट्ने निर्णय गरेको थियो । यसपाली भने राष्ट्र बैंकले भिडभाड नहोस् भनेर बेलैमा बैंक तथा वित्तीय संस्थालाई नयाँ नोट उपलब्ध गराउन थालेको हो ।
बैंक तथा वित्तीय संस्थाले भने अहिले नयाँ नोट मौज्दात गरेर राखेका छन् । औपचारिक वितरण भने घटस्थापनादेखि गर्ने छन् । यद्यपी माग्न आउने आफ्ना नियमित ग्राहकलाई भने अहिले पनि उपलब्ध गराइरहेको छ । राष्ट्र बैंकले यसपाली अधिकांस नोट नयाँ नै वितरण गरिदिएको छ। पोहोरपरार सुकिलो (एक÷दुई पटक प्रयोग भएको) नोट पनि वितरण गरेको थियो ।
राष्ट्र बैंकले बैंकहरुको एउटा शाखालाई कम्तिमा ५ करोड बराबरका दरले नयाँ नोट उपलब्ध गराएको छ । विकास बैंकहरुलाई ४ करोड र फाइनान्सलाई २ करोड बराबरको नोट उपलब्ध गराएको छ ।
कोरोना संक्रमणका कारण यसपाली बेलैमा नयाँ नोट उपलब्ध गराइएको हो । सरकारले निषेधाज्ञा हटाए पनि कोरोना संक्रमण कायमै छ । यस्तोमा राष्ट्र बैंकले वितरण गर्ने र बैंकहरुले साट्ने समय उस्तै उस्तै पर्छ भनेर यसपाली बेलैमा ब्यवस्थापन गरिएको छ ।
