Abhiyan Weekly

यी हुन आज शुक्रवार बसेको मन्त्रिपरिषदका निर्णयहरू भारत र चीनसहित १३ देशका लागी राजदूतको सिफारिस को कुन मुलुकका लागि सिफारिस भए ? माथिल्लो त्रिशुली- १को सुरूङबाट थप ६ जनाको निकालियो भोटेकोशी बाढी : हिजो असोज १ गते बेलुका सम्ममा १हजार ४१० को शव फेला ५... भारत भ्रमणमा रहेका अर्थमन्त्री वाग्लेको उच्चस्तरीय भेटवार्तामा नेपालको झण्डा नै गायव भोटेकोशी बाढीमा बेपत्ता भएका पत्रकार थामीको अन्त्येष्टी गर्ने परिवारको निर्णय यस्तो छ आज शुक्रवारका लागि तोकिएको विदेशी मुद्राको विनिमय दर कस्तो रहला आज शुक्रवारको मौसम : देशभर मनसुनी वायुको प्रभाव यी प्रदेशमा भारी बर्षाको सम्भावना लोककल्याणकारी बिज्ञापनको कटौती गर्ने बालेन सरकारको निर्णय बिरूध सासद राईको आपति सरकारको आयु चुनावी अंकगणितले मात्र निर्धारण हुँदैन ? कांग्रेस विभाजित हुने नै भो त ? २०८२ भाद्र २३ र २४ को घटनाको निष्पक्ष छानविन होस्

रामवीर मानन्धर एमालेमै फर्किए

Abhiyan Weekly

वि.सं.२०८१ कात्तिक २८ बुधवार १४:२६

806
shares

काठमाडौं । पूर्वमन्त्री तथा काठमाडौं ७ बाट २ पटक निर्वाचित सांसद रामवीर मानन्धर करिब ३ वर्षपछि एमालेमै फर्किएका छन् । काठमाडौं महानगरपालिका वडा नम्बर १६ को उपचुनावमा एमालेलाई जिताउने घोषणा गर्दै उनी पार्टीमा फर्किएका हुन् ।

मानन्धर २०४९ र २०५४ मा दुईपटक १६ नम्बर वडाको वडाध्यक्ष निर्वाचित भएका थिए भने २०७० र २०७४ मा सोही क्षेत्रबाट सांसद जितेका थिए । पछिल्लो २०७९ को चुनावमा घण्टाघर चुनाव चिन्ह लिएर स्वतन्त्र उम्मेदवार बनेका मानन्धरले १२ सय मत पाएका थिए ।मंसिर १६ गते हुने उपनिर्वाचनको मुखैमा उनी एमालेमा फर्किएर १६ नम्बर वडाको चुनावी अभियानमा सक्रिय भएको जिल्ला कमिटी अध्यक्ष दीपक निरौलाले बताए । मानन्धर सोमवार आयोजित १६ नम्बर वडाको उम्मेदवार घोषणा कार्यक्रममा सहभागी भएका थिए ।

दुई पटक सोही वडाको वडाध्यक्ष भएका स्थानीय नेता मानन्धरको एमालेमा फिर्तिले उपचुनावमा निर्णायक असर गर्ने बताइएको छ । सो वडामा एमालेले लक्ष्मीरत्न तुलाधरलाई उम्मेदवार बनाएर घरदैलो थालिसकेको छ । कांग्रेसबाट निर्वाचित वडाध्यक्ष मुकुन्द रिजालको निधनपछि रिक्त स्थानमा हुन लागेको उपचुनावमा कांग्रेसले उम्मेदवार तय गर्न बाँकी छ । सो वडाका ४ सदस्य भने एमालेले जितेको छ । मानन्धर एमालेमा फर्किएसँगै वडा नम्बर १६ मा विरासत फर्काउन सहज भएको अध्यक्ष निरौलाले बताए । मानन्धर २०७९ को स्थानीय तह निर्वाचनदेखि नै एमालेमा निष्क्रिय भएका थिए । उनले केशव स्थापितलााई मेयर उम्मेदवार बनाउने निर्णयमा असहमति जनाउँदै एमालेबाट अलग भएका थिए ।

१६ नम्बर वडाको उम्मेदवार घोषणा सभामा एमाले नेताहरु डा. राजन भट्टराई, रघुजी पन्त,कृष्णगोपाल श्रेष्ठ, काठमाडौं जिल्ला इन्चार्ज आनन्द पोखरेल, काठमाडौं महानगरपालिकाकी उपमेयर सुनिता डंगोल, पूर्वमेयर विद्यासुन्धर शाक्य, पूर्वसांसद रामवीर मानन्धरलगायतका नेताले एक साथ उभिएर लक्ष्मीरत्न तुलाधरलाई विजयको शुभकामना दिएका थिए ।

प्रकाशित मिति / समय : वि.सं.२०८१ कात्तिक २८ बुधवार १४:२६