सरकार र मीटरब्याज पिडितबिच ८ बद्धे सहमति
अमेरिकाबाट सञ्चालित परियोजनाको तथ्याङ्क संकलन गर्न गृहमन्त्रालयले सबै जिल्ला प्रशासन कार्यालयलाई पत्राचार गर्यो
वि.सं.२०८१ माघ २७ आइतवार १४:०८
676
shares
shares
काठमाडौँ ।अमेरिकाले नेपाललाई दिँदै आएको सहयोग रकम रोक्ने भएपछि त्यसको तथ्याङ्क संकलन गर्न गृहमन्त्रालयले सबै जिल्ला प्रशासन कार्यालयलाई पत्राचार गरेको छ । मन्त्रालयले पठाएको पत्रमा लामो समयदेखि विभिन्न द्विपक्षीय तथा बहुपक्षीय माध्यमबाट वैदेशिक सहायकता लिँदै आएको र त्यस्तो सहायता विभिन्न गैर सरकारी संघ संस्थाबाटसमेत परिचालन हुँदै आएकोले त्यस्तो संस्थाहरु कति छन् ? विवरण बुझाउन प्रशासन कार्यालयहरुलाई दिर्नेशन दिएको छ ।
‘तहाँ जिल्लामा सञ्चालित गैरसरकारी संस्थाहरुले कुन कुन विकास साझेदारहरुबाट के कस्तो क्षेत्रमा कति सहायता रकम परिचालन र उपयोग गरेका छन् ? साथै सहायता परिचालनको मोडालिटी कस्तो रहेको छ ? त्यस्ता कार्यक्रम र परियोजनाहरु हाल कुन अवस्थामा रहेका छन् ?,’ पत्रमा भनिएको छ, ‘उक्त सहायता परिचालनले आर्थिक, सामाजिक, सांस्कृतिक तथा पर्यावरणीय क्षेत्रमा कस्तो प्रभाव पारेको छ ?।’
‘हालै अमेरिकन सहायता संस्था (युएसएआइडी) बाट प्राप्त हुने सहायता स्थगित भएको भनी समाचारहरु प्रवाहित भैरहेको परिवेशमा जिल्लामा युएसएआइडिबाट सञ्चालित कार्यक्रम र परियोजना सञ्चालन र समुदायमा पर्ने प्रभाव समेतको अन्य विषयगत निकायहरुसँग समन्वय गरी अध्ययन तथा विश्वलेषण गर्ने र सो को प्रतिवेदन समेत पठाउन’ प्रशासन कार्यालयलाई पठाएको पत्रमा उल्लेख छ ।
