प्रधानमन्त्री बालेनको पुत्ला दहन
प्रतिनिधिसभाको बैठक २६ गतेसम्म स्थगित
वि.सं.२०७८ माघ १६ आइतवार ०८:५२
585
shares
shares
आजका लागि बोलाइएको प्रतिनिधिसभा बैठक स्थगित भएको छ । संघीय संसद् सचिवालयले हिजो शनिबार साँझ एक सूचनामार्फत बैठक स्थगित भएको जानकारी दिएको हो। कोभिड १९ संक्रमणको जोखिमलाई कारण देखाउँदै संसद बैठक माघ २६ गतेसम्मका लागि स्थगित भएको हो ।
शनिबार संसद् सचिवालयले विज्ञप्ति जारी गर्दै लेखेको छ, ‘कोभिड १९ संक्रमणको जोखिम यथावत रहेको कारण उक्त दिन र समयमा बैठक बस्न नसक्ने भएकोले प्रतिनिधि सभा नियमावली, २०७५ को नियम ६ को उपनियम ९३० बमोजिम सम्माननीय सभामुखज्यूले मिति २०७८ माघ २६ गते बुधबार दिनको १ बजे बैठक बस्ने गरी निर्धारण गर्नुभएको व्यहोरा माननीय सदस्यहरूको जानकारीको लागि यो सूचना प्रकाशित गरिएको छ ।’ संसदमा प्रतिपक्षी दल एमालेले लगातार अवरोध गर्दै आएको छ।
