प्रभुबैक द्धारा एचआरडिसीलाई आर्थिक सहयोग प्रदान
चिसो बढ्दै, काठमाडौंको न्यूनतम तापक्रम ९ डिग्री सेल्सियस भन्दा तल झर्यो
वि.सं.२०८२ मंसिर २ मंगलवार ०८:३९
1.6K
shares
shares
मुलुकभर तापक्रम घट्ने र चिसो बढ्ने क्रम जारी छ।
यसै क्रममा आज (मंगलबार ) काठमाडौँ उपत्यकाको तापक्रम ९ डिग्री सेल्सियसभन्दा मुनि झरेको छ।मौसम पूर्वानुमान महाशाखाका मौसमविद् हरिप्रसाद दाहालका अनुसार आज बिहान ५:४५ बजेको मापनमा काठमाडौँ उपत्यकाको न्यूनतम तापक्रम ८.९ डिग्री सेल्सियस देखिएको हो।
हिजो यही समयमा उपत्यकाको न्यूनतम तापक्रम ९.२ डिग्री सेल्सियस थियो भने पछि बिहान ८:४५ बजे घटेर ९ डिग्री सेल्सियस कायम भएको थियो।आजको पनि आधिकारिक न्यूनतम तापक्रम अहिले बिहान ८:४५ बजे अपडेट गरिन्छ। त्यतिबेलासम्म थप घट्ने सम्भावना हुन्छ।
मौसम महाशाखाले हरेक दिन काठमाडौँसहित देशका विभिन्न स्थानको न्यूनतम र अधिकतम दुईथरी तापक्रम मापन गर्छ। मौसमविद्का अनुसार न्यूनतम बिहान ८:४५ बजे मापन हुन्छ भने अधिकतम साँझ ५:४५ बजे मापन गरिन्छ।
