सुनको मूल्य घट्यो
निर्वाचन प्रयोजनका लागि निवेदन दिएका मध्ये नयाँ १० दलले प्रमाणपत्र पाए
वि.सं.२०८२ मंसिर ४ बिहीवार १७:२५
1.5K
shares
shares
काठमाडौँ । आगामी फागुन २१ गते हुने निर्वाचन प्रयोजनका लागि निवेदन दिएकामध्ये नयाँ १० दलले प्रमाणपत्र पाएका छन् । निर्वाचन आयोगले कात्तिक ३० गतेसम्म दल दर्ता प्रमाणपत्रका लागि आह्वान गरेको थियो ।
३७ दलले निवेदन दिएकोमा १० दलले प्रमाणपत्र पाएको प्रवक्ता नारायणप्रसाद भट्टराईले जानकारी दिए । उनका अनुसार ३० दल प्रमाणपत्रका लागि प्रक्रियामा रहेका छन् । उनीहरूले एक दुई दिनभित्र प्रक्रिया पुरा गरे निर्वाचनमा भाग लिन सक्ने स्पष्ट पारे ।‘हामीले दल दर्ता प्रमाणपत्र प्रयोजनका लागि कात्तिक ३० गतेसम्म निवेदन दिन आह्वान दिएका थियौँ । त्यस अवधिमा आयोगमा दर्ता भएका पुराना सात दल खारेज भएपनि नयाँ १० दलले प्रमाणपत्र पाएका छन् । बाँकी दलले एक दुई दिनभित्र प्रक्रिया पुरा गरे आगामी निर्वाचन प्रयोजनका लागि भाग लिन सक्छन्’, उनले भने ।
निर्वाचन प्रयोजनका लागि आयोगले मंसिर १ देखि १० गतेसम्म दल दर्ता समय तोकेको छ । यसअघि आयोगमा १२२ दल दर्ता भएको थियो ।
