सुनको मूल्य घट्यो
पूर्व गृहमन्त्री लेखकको स्थानहद र पासपोर्ट फुकुवा
वि.सं.२०८२ पुस १८ शुक्रवार ०८:५६
1.73K
shares
shares
काठमाडौँ – निवर्तमान गृहमन्त्री एवं कांग्रेस नेता रमेश लेखकको स्थान हद फुकुवा भएको छ।
भदौ २३ र २४ गतेको घटना जाँचबुझ आयोगले लेखकको स्थान हद र विदेश भ्रमणमा लगाएको रोक फुकुवा गरेको हो।आयोगले बिहीबार गृह मन्त्रालयमार्फत लेखकको स्थान हद र विदेश भ्रमणमा लगाएको रोक फुकुवा गरेको जानकारी गराएको हो।
असोज १२ गतेको आयोगको बैठकले तत्कालीन गृहमन्त्री लेखकलाई विदेश भ्रमणमा रोक लगाउने र आयोगको स्वीकृतिबिना काठमाडौँ छाड्न नपाउने निर्णय गरेको थियो।लेखकले सोमबार आयोगसमक्ष बयान दिएका थिए। उनको बयान सकिएसँगै आयोगले स्थान हदसमेत फुकुवा गरेको हो।
