निजिक्षेत्रका संञ्चारमाध्यमलाई सरकारी विज्ञापन नदिने सरकारको निर्णय विरूद्धको रिटमा सक्कल निर्णय झिकाउने आदेश, सोमवार फेरि...
एमाले अध्यक्ष ओली आज दिनभर दमकमा स्थानीयसँग भेटघाटमा व्यस्त रहने
वि.सं.२०८२ फागुन ४ सोमवार ०९:१८
1.79K
shares
shares
दमक । नेकपा (एमाले)का अध्यक्ष केपी शर्मा ओली आज दिनैभरि दमकका मुख्य चोकहरुमा आयोजना गरिएका विभिन्न कार्यक्रममा व्यस्त रहने भएका छन् । दमक नगरपालिकाअन्तर्गतका मुख्य चोकमा आयोजना गरिएका कार्यक्रममा स्थानीय बासिन्दासँग अध्यक्ष ओलीले भेटघाट गर्ने कार्यक्रम रहेको छ ।
निर्वाचन प्रचार उपसमितिका संयोजक इन्द्र भण्डारीका अनुसार अध्यक्ष ओली आज बिहान ११ बजे दमक ५ को यलम्बर चोकमा आयोजना गरिएको भेटघाट कार्यक्रममा सहभागि रहनेछन् । त्यसलगत्तै ११ बजेर ५० मिनेटमा दमक ६ को शङ्खधर चोकमा स्थानीयसँग भेटघाट कार्यक्रम तय गरिएको छ ।
अध्यक्ष ओली दिउँसो १ बजे दमक ७ मा रहेको तविन चोकमा सहभागि हुने कार्यक्रम रहेको जनाइएको छ । त्यसलगत्तै उनी दिउँसो २ बजे दमकस्थित हवल्दार चोकमा आयोजना गरिएको भेटघाटमा पुग्नेछन् । अपराह्न ३ बजे दमक २ स्थित दमक फन पार्कमा आयोजित भेटघाट कार्यक्रममा सहभागि हुने कार्यक्रम रहेको छ । आजै बेलुका ४ बजे दमक ३ स्थित आमचोकमा पुगेर स्थानीय बासिन्दासँग भेटघाट गर्ने कार्यक्रम तय भएको छ ।
झापाको निर्वाचन क्षेत्र नम्बर ५ अन्तर्गतका अन्य पालिकामा स्थानीयसँगको भेटघाट कार्यक्रम सम्पन्न गरिसकेका अध्यक्ष ओलीले दमक नगरपालिकाका स्थानीयसँग भेटघाट गर्ने कार्यक्रम रहेको जनाइएको छ । भेटघाटको क्रममा जनताका समस्या, गुनासा सुन्ने र सम्बोधन गर्न सकिने विषयमा पहल गर्ने योजना रहेको छ । जनतासँग गरिएको भेटघाटबाट अध्यक्ष ओलीसँग धेरै आशा, भरोसा र अपेक्षा रहेको स्थानीयले बताएका छन् । स्थानीयले आफ्नै चोकचोकमा आएका अध्यक्ष ओलीसँग भेटघाट संवादबाट उत्साहित भएको प्रतिक्रिया दिने गरेका छन् ।अध्यक्ष ओली हिजो झापा आएपछि नै विभिन्न कार्यक्रम तथा भेटघाटमा व्यस्त छन् ।
