बालेन सरकारले ल्याएको अध्यादेशप्रति नेपाली काँग्रेसको आपति
एमाले अध्यक्ष ओलीको आग्रह, प्रश्न सोधौ एमाले रोजौ
वि.सं.२०८२ फागुन ६ बुधवार १७:४३
1.57K
shares
shares
नेकपा एमालेका अध्यक्ष केपी शर्मा ओलीले आफूहरू प्रश्नबाट कहिल्यै नभागेको बताएका छन् । त्यसकारण प्रश्न पनि सोध्न र एमालेलाई रोज्न उनको आग्रह छ ।
झापा-५ मा मंगलबार भएको ‘पब्लिक डिबेट’ कार्यक्रमको सहभागिताबारे उल्लेख गर्दै ओलीले एमालेले प्रश्न छलेर आफूलाई राम्रो देखाउने राजनीति नगरेको बताएका हुन् ।उनको संकेत झापा-५ का अर्का उम्मेदवार बालेन्द्र शाह (बालेन)प्रति छ ।उक्त कार्यक्रममा बालेन थिएनन् । झापा-५ का अरु उम्मेदवार भने थिए ।
‘चुनाव नागरिकले प्रतिनिधिलाई विश्वास सुम्पिने पर्व हो । उम्मेदवारहरू नागरिक भन्दा टाढा रहने, वास्तविक अनुहार छुपाउने र सुटिङ गरेर तयार गरिएका सामग्री मतदातासम्म पुर्याएर चुनाव अवधिभर झुक्याउने परिपाटीबाट नागरिक ठगिनु हुँदैन’, ओलीले बुधबार सामाजिक सञ्जालमा लेखेका छन् ।
एमालेले आफूमाथि उठेका प्रश्नको उत्तर दिँदै आएको ओलीको भनाइ छ । । त्यसैले एमालेमाथि आलोचना र विरोध पनि सुनिने गरेको उनले बताए ।‘कतिपय प्रश्नमा आत्मालोचना गर्ने र सुधार्ने पनि गरेका छौं । प्रश्न छलेर आफूलाई राम्रो देखाउने राजनीति हामीले गरेनौं’, ओलीले लेखेका छन्, ‘पब्लिक डिबेट आयोजना गर्ने आयोजक, त्यसमा भाग लिने उम्मेदवार र सहभागी नागरिक सबैलाई धन्यवाद । म नागरिकहरूको साथमा रहनेछु । प्रश्न सोधौं, एमाले रोजौं ।’
