काँग्रेसले टुङ्ग्यायो प्रमुख सचेतक र सचेतक
जनतासँग प्रत्यक्ष भेटघाट गरेर मत माग्न पार्टीका सङ्गठित सदस्यहरूलाई एमालेले दियो निर्देशन
वि.सं.२०८२ फागुन ११ सोमवार ०९:०४
988
shares
shares
काठमाडौं । नेपाल कम्युनिस्ट पार्टी (एमाले) ले आफ्ना संगठित सदस्यलाई प्रतिनिधिसभा सदस्य निर्वाचनमा जनतासँग प्रत्यक्ष भेटघाट गर्न निर्देशन दिएको छ ।
निर्वाचन नजिकिँदै गर्दा एमालेले चुनावी अभियानका क्रममा छ लाख ६२ हजार संगठित सदस्यलाई मतदातासँग प्रत्यक्ष भेटघाट गर्न निर्देशन दिएको एमाले प्रचार विभाग प्रमुख मीनवहादुर शाहीले जानकारी दिए ।भर्चुअलभन्दा मतदातालाई प्रत्यक्ष भेटघाट गरेर आफ्नो पार्टी नेतृत्वमा बनेको सरकारले गरेका राम्रो कामको प्रचार गरेर मत माग्न उम्मेदवार, पार्टी सदस्यलाई निर्देशन दिइएको उनले बताए ।
“भूगोलमा रहेका सबै संगठित सदस्यलाई मतदातालाई प्रत्यक्ष भेटेर चुनावी प्रचारप्रसारमा लाग्न निर्देशन दिइएको छ”, प्रचार विभाग प्रमुख शाहीले भने, “जुन संगठित सदस्य जहाँ छन्, त्यहीँका मतदातालाई भेटेर मत माग्न भनिएको छ ।”एमाले यसपटक चुनावीसभा नगरेर मतदातालाई प्रत्यक्ष भेटघाटका कार्यक्रमलाई प्राथमिकता दिएर चुनाव केन्द्रित अभियान सञ्चालन गरिरहेको छ ।
