जनकपुर बोल्ट्सको दोस्रो जित
तरलता सहज बनाउन शेयर कर्जालाई नियन्त्रण गर्नु पर्ने सिबिफिनको सुझाव
वि.सं.२०७८ माघ २३ आइतवार १८:०९
949
shares
shares
बैंक तथा वित्तीय संस्था परिसंघ नेपाल (सिबिफिन) ले तरलता सहज बनाउन घर जग्गा तथा शेयर कर्जा नियन्त्रण गर्नुपर्ने सुझाव पेश गरेको छ । सिबिफिनले तरलता अभाव सम्बन्धी अध्ययन प्रतिवेदन सार्वजनिक गर्दै अनुत्पादक क्षेत्रमा कर्जा लगानी नियन्त्रण गर्नु पर्ने निकर्ष निकालेको हो ।
नेपाल राष्ट्र बैंकको मंसिर २०७८ को तथ्यांक अनुसार उपभोग्य कर्जा अन्तर्गतको “अन्य” शिर्षकमा ६२३ अर्ब रुपैंयाँ कर्जा गएको देखिन्छ । त्यस्तै गरी, “अन्य” शिर्षक अन्तर्गत नै ४३२ अर्ब रुपैंयाँ कर्जा प्रवाह भएको सिबिफिनले जनाएको छ । यसबाट उद्देश्य नखुलेको कर्जा जोड्ने हो भने जम्मा कर्जा १० खर्ब ५५ अर्ब रुपैंयाँ हुन्छ । जुन जम्मा कर्जा ४६ खर्ब ३ अर्ब रुपैंयाँको करिव २३ प्रतिशत हुन आउने प्रतिवेदनमा उल्लेख छ ।
यसरी यस्ता अनुत्पादक क्षेत्रमा ह्वात्तै कर्जा बढेपछि तरलता व्यवस्थापनमा चाप पर्नु स्वभाविकै रहेको सिबिफिनको निकर्ष रहेको छ ।
अध्ययन प्रतिवेदनले घररजग्गा, शेयर आदि जस्ता प्रकृतिको क्षेत्रमा हुने कर्जा लगानीले आर्थिक क्षेत्रलाई चलायमान बनाउन र तरल सम्पत्ति कायम गर्न सहयोग नपु¥याउने प्रतिवेदनमा उल्लेख छ ।
