थुन्ने अनि सुन्ने प्रवृत्तिको अन्त्य हुनैपर्दछ

सरकारले अपवादका लागि पाएको सुविधालाई दुरुपयोग गर्दै जब नियमित बनाइन्छ त्यसले कति सम्म...

Abhiyan Weekly

नेपालले युएईलाई ३७ रनले हरायो गैरीगाउँको सुकुम्बासी बस्ती पनि हटाउन सुरू खाली गरियो थापाथलीको सुकुम्बासी बस्ती सुकुम्बासी बस्तीमा वास्तविक सुकुम्बासी फेला परेनन : नगर प्रहरी यी हुन सुकुम्बासीका लागि तोकिएका अस्थायी बसोवास गर्ने ठाउँहरू सुकुम्बासी बस्तीमा चल्यो डोजर निजामती विधेयकको मस्यौदा सार्वजनिक : दुईको कुलिङ पिरियड राजनीतिक दलको सदस्यता लिन नपाइने, कर्मचारी सङ्गठन... राप्रपाका वरिष्ठ उपाध्यक्ष एवम् पूर्वमन्त्री पाण्डे पक्राउ यस्तो छ आज शनिबारका लागि तोकिएको विदेशी मुद्राको विनिमय दर कस्तो रहला आज शनिबारको मौसम ? सुकुम्बासी बस्ती हटाउन ठूलो संख्यामा प्रहरी परिचालन बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस

क्यानाडाको ओटावामा आपतकालीन घोषणा

Abhiyan Weekly

वि.सं.२०७८ माघ २४ सोमवार १०:४७

507
shares

क्यानडाको राजधानी ओटावामा आपतकाल घोषणा भएको छ।

एक साताभन्दा बढी समयदेखि कोभिड प्रतिबन्धविरूद्ध ट्रक चालकले गरेको प्रदर्शन जारी रहँदा ओटावाका मेयर जीम वाट्सनले सहर पूर्ण रूपमा नियन्त्रणबाहिर गएको भन्दै आपतकाल घोषणा गरेका हुन्।ड्राइभरहरूलाई कोभिड खोप अनिवार्य गर्ने सरकारी नियमपछि राजधानी ओटावामा ‘फ्रिडम कन्भोई’ नामको प्रदर्शन सुरू भएको थियो।

मेयर वाट्सनले प्रदर्शनकारीले बढ्दो रूपमा असंवेदनशील व्यवहार गरेको बताएका छन्।क्यानडाको रेडिओ सीएफआएसँग बोल्दै मेयर वाट्सनले प्रदर्शनकारीले बारम्बार हर्न र साइरन बजाउने तथा पटाका पड्काउनेजस्ता काम गरेर त्यसलाई पार्टीजस्तो गरेको आरोप लगाएका छन्।

यसैबीच एक विज्ञप्ति निकालेर मेयर वाट्सनले शहरका जनताको सुरक्षाका लागि र शहरलाई पुरानै स्वरूपमा ल्याउन आपतकाल घोषणा गरिएको बताएका छन्।ट्रक ड्राइभरहरूले सडकमा टेन्ट र गाडी राखेर अवरोध गर्दै आएका छन्। उनीहरूको आन्दोलनले ट्राफिक व्यवस्था अस्तव्यस्त हुनुका साथै हिंसा र दुर्व्यवहारका घटनासमेत बढ्दै गएको महानगरको निष्कर्ष छ।

क्यानडाका एक लाख २० हजार सीमा वारपार गर्ने ट्रक चालकमध्ये करिब ९० प्रतिशतले खोप लगाइसकेका छन्।सीमा वारपार गर्न खोप अनिवार्य गरिएको विरोधमा सुरू भएको प्रदर्शनमा अन्य मागहरू पनि थपिए पछि आन्दोलनले उग्र रूप लिएको हो।

महानगरको निर्णयपछि अब प्रहरीले कानुन विपरित काम गर्नेलाई नियन्त्रणमा लिने सक्ने भएको छ।

प्रकाशित मिति / समय : वि.सं.२०७८ माघ २४ सोमवार १०:४७