एमालेले फिर्ता गर्यो भीआईपी स्वास्थ उपचारको साढे तीन करोड
कस्तो रहला आज सोमबारको मौसम :यी प्रदेशमा चट्याङ सहित हल्का वर्षा र हिमपातको सम्भावना
वि.सं.२०८२ चैत ३० सोमवार ०९:११
1.03K
shares
shares
काठमाडौं । हाल नेपालमा पश्चिमी वायु र स्थानीय वायुको आंशिक प्रभाव रहेको छ ।
कोशी, बागमती र गण्डकी प्रदेशको हिमाली र पहाडी भू–भागमा साधारणतया बादल लागेको छ बाँकी हिमाली र पहाडी भू–भागमा आंशिक बादल लागेको छ र तराई भू–भागमा मौसम मुख्यतया सफा रहेको छ ।
आज दिउँसो देशका हिमाली भू–भागमा साधारणतया बादल लाग्ने, पहाडी भू–भागमा आंशिक बादल लाग्ने र तराई भू–भागमा मौसम मुख्यतया सफा रहनेछ । कोशी प्रदेशको पहाडी र हिमाली भू–भाग लगायत बागमती र गण्डकी प्रदेशको हिमाली भू–भागका एकदुई स्थानमा मेघगर्जन र चट्याङ्गसहित हल्का वर्षा र हिमपातको सम्भावना रहेको छ ।
आज राति देशका हिमाली भू–भागमा आंशिक बादल लाग्ने र पहाड र तराई भू–भागमा मौसम मुख्यतया सफा रहनेछ । कोशी र गण्डकी प्रदेशका हिमाली भू–भागका एकदुई स्थानमा मेघगर्जन र चट्याङ्गसहित हल्का वर्षा र हिमपातको सम्भावना रहेको छ।
