अहिलेकै अवस्थामा एमालेमा नेतृत्व परिवर्तन सम्भव होला ?
रसुवामा बाढीको वितण्ड : स्थिति भयावभ, अहिले सम्मको अपडेट यस्तो छ
वि.सं.२०८३ भदौ १० बुधवार १४:०२
182
shares
shares
काठमाडौं । रसुवाको भोटेकोशी नदीमा आएको आकस्मिक बाढीले जिल्लाको उत्तरी क्षेत्रमा ठूलो जनधनको क्षति पुर्याएको छ।
बाढीका कारण टिमुरे, रसुवागढी र स्याफ्रुबेसी क्षेत्रमा व्यापक क्षति पुगेको प्रारम्भिक विवरण प्राप्त भएको छ।
मुख्य अपडेटहरू-
– तिब्बततर्फ हिमताल फुटेर आएको बाढी हुनसक्ने प्रारम्भिक अनुमान गरिएको छ। रसुवामा ठूलो वर्षा नभएको अवस्थामा भोटेकोशी नदीमा एक्कासि बाढी आएको बताइएको छ।
– टिमुरे बजार, रसुवागढी र स्याफ्रुबेसी क्षेत्रमा ठूलो क्षति पुगेको छ। टिमुरे बजारका संरचना तथा सडक, पुल र अन्य भौतिक पूर्वाधारमा क्षति पुगेको प्रारम्भिक विवरण छ।
– मानवीय क्षतिको यकिन विवरण आउन बाँकी छ। केही व्यक्ति बेपत्ता भएको र उद्धार तथा खोजी कार्य जारी रहेको जनाइएको छ।
– भोटेकोशी करिडोरका जलविद्युत् आयोजनामा ठूलो क्षति पुगेको छ। रसुवागढी जलविद्युत् आयोजना लगायतका आयोजनाहरू प्रभावित भएका छन्। प्रारम्भिक विवरणअनुसार ठूलो विद्युत् उत्पादन क्षमता प्रभावित भएको छ।
– उद्धारका लागि नेपाली सेना, सशस्त्र प्रहरी बल र नेपाल प्रहरी परिचालन गरिएको छ। उद्धार तथा राहतका लागि थप सुरक्षा टोली घटनास्थलतर्फ पठाइएको छ।
– हेलिकप्टरमार्फत उद्धार तथा राहतको तयारी गरिएको छ। घाइते तथा जोखिममा रहेका नागरिकलाई सुरक्षित स्थानमा ल्याउने काम प्राथमिकतामा राखिएको छ।
– घाइतेलाई त्रिशूली जिल्ला अस्पतालमा उपचार गर्ने व्यवस्था मिलाइएको छ। अन्य विस्थापित तथा उद्धार गरिएका व्यक्तिका लागि धुन्चेमा बसोबासको व्यवस्था गरिएको छ।
– माथिल्लो क्षेत्रमा बाढीको सतह घट्दै गएको प्रारम्भिक जानकारी आए पनि तल्लो तटीय क्षेत्रमा जोखिम कायमै रहेको छ।
– त्रिशूली नदी हुँदै बाढी मुग्लिनतर्फ बढिरहेको र नदी किनारका बस्ती तथा सर्वसाधारणलाई उच्च सतर्कता अपनाउन आग्रह गरिएको छ।
– सरकारले विपद् व्यवस्थापन तथा उद्धारका लागि आवश्यक स्रोत–साधन र बजेट व्यवस्थापन गर्ने जनाएको छ।
– घटनास्थलमा खोज, उद्धार, राहत तथा क्षतिको प्रारम्भिक मूल्यांकन एकसाथ अघि बढाइएको छ।
प्रशासनले भोटेकोशी तथा त्रिशूली नदीको तटीय क्षेत्रमा रहेका नागरिकलाई सुरक्षित स्थानमा रहन र नदीको बहाव नजिक नजान आग्रह गरेको छ। उद्धार तथा क्षतिको पूर्ण विवरण प्राप्त हुन बाँकी छ।
