नेपालमा गेमिङ तथा आईटी क्षेत्रलाई उद्योगको रूपमा विकास गर्न र सहजीकरणका लागि नीतिगत पुनरावलोकन तथा...
इजरायलमा कुनैपनि पार्टीले पाएनन बहुमत, नेतान्याहुलाई सतामा रहि रहन संकट
वि.सं.२०८३ कात्तिक १३ शुक्रवार १०:२९
312
shares
shares
इजरायलमा चुनावपछि विपक्षी नेता गादी आइजेनकोटले सरकार गठनको प्रयास सुरु गरेका छन्।
यस क्रममा उनले डेमोक्र्याट पार्टीका नेता यायर गोलान, बियाचादका प्रमुख नाफ्ताली बेनेट र विपक्षी नेता यायर लापिडसँग भेट गरेका छन्।आइजेनकोटले प्रधानमन्त्री बेन्जामिन नेतन्याहु र उनको लिकुड पार्टीले चुनावी नतिजालाई बदनाम गर्ने प्रयास गरिरहेको आरोप लगाएका छन्।
उनले भनेका छन्, ‘नेतन्याहुले बहुमत नजितेका कारण त्यसो गरिरहेका छन्।’इजरायली संसद् नेसेटको शपथ ग्रहण प्रक्रिया अवरुद्ध हुन नदिने बताएका छन्।उनले भनेका छन्, ‘इजरायलमा कानुनको शासन छ र संसद् निर्धारित समयमै बोलाइनेछ।’चुनावमा उनको गठबन्धनले ४८ सिट जितेको छ भने प्रधानमन्त्री नेतन्याहुको खेमाले ५३ सिट ल्याएको छ।
इजरायली संसद्मा कुल १२० सिट छन् र सरकार गठन गर्न बहुमत ६१ सिट चाहिन्छ।तर कुनै पनि गठबन्धनले बहुमत ल्याउन सकेका छैनन्। अरब दलहरूले १९ सिट जितेका छन्।यस्तो अवस्थामा सरकार गठन गर्न अन्य दलको समर्थन आवश्यक छ।यसैबिच इजरायलमा अक्टोबर २७ मा भएको संसदीय चुनावमा विदेशी हस्तक्षेपको आशंका गरिएको छ।यसैकारण निर्वाचन आयोगले सिन बेट अनुसन्धान एजेन्सीलाई यस विषयमा अनुसन्धान गर्न आदेश दिएको छ।
द टाइम्स अफ इजरायलका अनुसार एजेन्सीले एक हप्ताभित्र आफ्नो प्रतिवेदन बुझाउनेछ।प्रधानमन्त्री बेन्जामिन नेतन्याहुको लिकुड पार्टीले कतार र टर्कीबाट इजरायल र वेस्ट बैंकमा पैसा पठाइएको आशंका गरेको छ। यो पैसा अरब नागरिकहरूलाई आर्थिक सहयोग गर्न प्रयोग गरिएको थियो।
