बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस
हिजो बढेको शेयर बजार आज १९ दशमलव ८४ अंकले घट्यो
वि.सं.२०७८ फागुन ४ बुधवार १५:२१
481
shares
shares
हिजो बढेको शेयर बजार आज १९ दशमलव ८४ अंकले घटेर २,७३४ दशमलव ४४ को विन्दुमा कायम भएको छ । आज ३२ वटा कम्पनीको शेयर मुल्य घढेको छ भने १५४ वटा कम्पनीको शेयर मुल्य घटेको छ । आज जीवन बीमा तथा अन्य उपसूचक बढेका छन् भने सबै उपसूचक घटेका छन् ।
आज दिनभरिमा २३१ वटा कम्पनीको ५६ करोड ५२ लाख १८२ कित्ता शेयर किनबेच हुँदा ३ अर्ब २ करोड ६३ लाख ३० हजार रुपैयाँको शेयर कारोबार भएको छ । आज सबैभन्दा धेरै अपि पावर कम्पनीको शेयर कारोबार भएको छ । कम्पनीको २१ १४ लाख रुपैयाँको शेयर कारोबार भएको छ । आज कम्पनीको ५२३ रुपैयाँ शेयर मुल्य कायम भएको छ ।
त्यस्तै, नेशनल हाइड्रोपावर कम्पनीको १७ करोड ७८ लाख रुपैयाँको शेयर कारोबार भएको छ । कम्पनीको शेयर मुल्य ४२७ रुपैयाँ कायम भएको छ । अरुण कावेली पावर कम्पनीको १६ करोडमाथिको शेयर कारोबार भएको छ । नेपाल टेलिकमको १४ करोड ८८ लाख रुपैयाँको शेयर कारोबार भएको छ ।
आज सबैभन्दा धेरै गुराँस लघुवित्त वित्तीय सस्थाका लगानीकर्ताले कमाएका छन् । कम्पनीका लगानीकर्ताले ३ दशमलव ४४ प्रतिशतका दरले कमाएका हुन् । ज्योति लाइफ इन्स्योरेन्स कम्पनीका लगानीकर्ताले ३ दशमलव २३ प्रतिशतका दरले कमाएका छन् । एनआइसी एशिया ब्यालेन्स फण्डका इकाई धनीले २ दशमलव ८७ प्रतिशतका दरले कमाएका हुन् ।
त्यसैगरी आज सबैभन्दा धेरै बुद्धभुमी हाइड्रोपावर नेपालका लगानीकर्ताले गुमाएका छन् । कम्पनीका लगानीकर्ताले ५ दशमलव ६९ प्रतिशतका दरले गुमाएका छन् ।
