संसदबाट निर्वाचित कार्यकारी प्रधानमन्त्री नै उपर्युक्त

विभिन्न समयमा जनताले बलिदानीपूर्ण संघर्ष तथा जनआन्दोलनबाट स्थापित लोकतान्त्रिक प्रणालीलाई थप उन्नत, उदार...

Abhiyan Weekly

प्रतिनिधिसभाबाट आर्थिक विधेयक २०८३ पारित विश्वकपमा नकआउट चरणमा खेल्ने ३२ टोलीको टुंगो, कुन देशको सँग खेल्ने ? सुन तोलामा ४ हजार ७ सय रुपैयाँ बढ्यो प्रधानमन्त्री बालेनले सीमा विवादबारे देशसँग माफी माग्नैपर्छ : एमाले विश्वकप : अहिले सम्म नकआउट चरणम को-को पुगे ? आज ओली, दाहाल र माधव नेपाल एउटै मञ्चमा देखिने यस्तो छ आज आइतबारका लागि तोकिएको विदेशी मुद्राको विनिमय दर अवको केहिदिन भित्रमा देशभरमै मनसुन फैलिने : यस्तो रहनेछ आज आइतवारको मौसम कोशी प्रदेशमा भारी... कांग्रेसका नेता अभिषेक गिरी पक्राउ पूर्वप्रधानमन्त्री तथा एमाले अध्यक्ष केपी ओलीले मागे मानवाधिकार आयोगसँग गत भाद्र २३ र २४ गतेको... भेनेजुएला भूकम्प : हाल सम्म ९०० को निधन, ३३ सय भन्दा बढी घाईते, खोजविन जारी यस्तो छ आज शनिवारकालागि तोकिएको विदेशी मुद्राको विनिमय दर

गोरखाको पालुङटारमा नगरपालिकामा तोडियो कांग्रेस र जसपा गठबन्धन

Abhiyan Weekly

वि.सं.२०७९ वैशाख २१ बुधवार १४:०६

793
shares

काठमाडौं ।गोरखाको पालुङटार नगरपालिकामा नेपाली कांग्रेस र जनता समाजवादी पार्टी बीच तालमेल नहुने भएको छ । कांग्रेस र जसपाको केन्द्रीय नेतृत्वले पालुङटारमा कांग्रेसले जसपाका मेयरलाई सहयोग गर्ने सहमति गरे पनि जिल्लास्तरमा सहमति नजुटेपछि तालमेल नहुने भएको हो ।

नेपाली कांग्रेसका जिल्ला सभापति नन्दप्रसाद न्यौपानेले बुधबार विज्ञप्ति जारी गरी केन्द्रको निर्देशन बमोजिम जिल्लामा वडा तहसम्म तालमेलको प्रयास गर्दा दुबै दलका नेता कार्यकर्ताले एक्लाएक्लै प्रतिस्पर्धामा जाने राय दिएको बताएका छन् । त्यसपछि दुबै दल बीच एकल एकल रुपमा नै प्रतिस्पर्धा गर्ने सहमति भएको न्यौपानेले विज्ञप्तिमा उल्लेख गरेका छन् ।

यसअघि कांग्रेस र जसपाको शीर्ष नेतृत्वबीच पालुङटारको मेयरमा जसपालाई कांग्रेसले र उपमेयरमा कांग्रेसलाई जसपाले सहयोग गर्ने सहमति भएको थियो । त्यस्तै गोरखा नगरपालिकाको मेयरमा जसपाले कांग्रेसलाई सहयोग गर्ने भनिएको थियो, उपमेयर बारे कुनै सहमति भएको थिएन । जसपाले गोरखा नगरपालिकाको उपमेयरमा कांग्रेसले आफूहरुलाई सहयोग गर्नुपर्ने माग गर्दै आएको थियो र कांग्रेसले अस्वीकार गरेको थियो ।

मंगलबार कांग्रेस र जसपाको जिल्ला नेतृत्व पालुङटार नगरपालिकाको वडास्तरमा तालमेलको विषयमा छलफलमा बसेका थिए । तर वडा भागवण्डामा सहमति नजुटेपछि दुबै दल मेयर र उपमेयरमा पनि तालमेल नगर्ने निश्कर्षमा पुगेका हुन् । पालुङटारमा नेपाली कांग्रेस, नेकपा माओवादी केन्द्र र जनता समाजवादी पार्टीले मेयर, उपमेयर, वडाध्यक्ष लगायतका पदमा एकल उम्मेदवारी दिइसकेका छन् ।

तर कांग्रेस र जसपा बीच केन्द्रस्तरमा सहमति भएपछि कांग्रेसका मेयरका उम्मेदवार दीपकबाबु कँडेलले आफूले केन्द्रको निर्देशन मान्ने भन्दै विज्ञप्ति निकालेका छन् । कांग्रेस जिल्ला सभापति न्यौपानेले पालुङटारमा कांग्रेस एकल रुपमा निर्वाचनमा जाने भन्दै नगरपालिकामा चुनावी अभियान सञ्चालन गर्न निर्देशन दिएका छन् ।

प्रकाशित मिति / समय : वि.सं.२०७९ वैशाख २१ बुधवार १४:०६