संसदबाट निर्वाचित कार्यकारी प्रधानमन्त्री नै उपर्युक्त

विभिन्न समयमा जनताले बलिदानीपूर्ण संघर्ष तथा जनआन्दोलनबाट स्थापित लोकतान्त्रिक प्रणालीलाई थप उन्नत, उदार...

Abhiyan Weekly

फिफा विश्वकप २०२६ को प्रि-क्वार्टर फाइनलको समीकरण पुरा यस्तो छ आजकालागि तोकिएको विदेशी मुद्राको विनिमय दर देशभर नै मनसुनी वायुको प्रभाव, आज यी ४ प्रदेशमा भारी वर्षाको सम्भावना साउन्ड सिस्टममा समस्या देखिएपछि राष्ट्रियसभाको बैठक स्थगित मेलम्चीको मुहानमा बाढी पसेपछि उपत्यकामा आपूर्ति भइरहेको पानी आजदेखि अस्थायी रूपमा बन्द दक्षिण कोरियाले भिसा शुल्क बढायो आज शुक्रबार : कस्तो रहला आज देशभरीको मौसम ? अबदेखी बिना कारण पेट्रोलपम्प बन्द गर्नेलाई १० सम्म जरिवाना हुने यस्तो छ आज शुक्रबारकालागि तोकिएको विदेशी मुद्राको विनिमय दर पूर्वअर्थमन्त्री विष्णु पौडेलको बन्दीप्रत्यक्षीकरणको रिट खारेज यस्ता छन् मन्त्रिपरिषद् बैठकका निर्णय ८ जना प्रहरी अतिरिक्त महानिरीक्षकहरूको सरुवा गर्ने निर्णय

झापामा थरीथरीका गठबन्धन

Abhiyan Weekly

वि.सं.२०७९ वैशाख २३ शुक्रवार ०८:२०

533
shares

झापा ।पन्ध्र पालिका रहेको झापाको दमक नगरपालिका, कचनकवल गाउँपालिका र कनकाई नगरपालिका पृथक चुनावी गठबन्धनका कारण चर्चामा छन् । नेपालकै होचो स्थानका रूपमा परिचित कचनकवलमा नेपाली कांग्रेस र नेकपा (एमाले)ले चुनावी गठबन्धन गरेका छन् । यसअघि पालिकाको अध्यक्ष र उपाध्यक्ष जितेको राष्ट्रिय प्रजातन्त्र पार्टी यहाँ एक्लै चुनावी मैदानमा उत्रिएको छ ।

“अन्यत्र प्रतिस्पर्धा गरिरहेका एमाले र कांग्रेस बीच यहाँ चुनावी तालमेल हुँदा आश्चर्य लाग्नु स्वाभाविक हो”, प्रदेशसभा सदस्य वसन्त बानियाँ भन्छन्, “स्थानीय आवश्यकताका आधारमा गठबन्धन भएको हो ।” कचनकवलमा कांग्रेस बाट अध्यक्षमा कालेन्द्र प्रसादसिंह राजवंशी र उपाध्यक्षमा एमाले बाट नवराज भट्टराई उम्मेदवार बनेका छन् । दुवै उम्मेदवार संयुक्त रूपमा चुनावी प्रचारका लागि घरदैलोमा हिँडिरहेका छन् । सो पालिकामा राप्रपा बाट अध्यक्षमा अन्जरा आलम र उपाध्यक्षमा निमसरी राजवंशी उम्मेदवार बनेका छन् ।

यसैगरी, कनकाई नगरपालिकामा कांग्रेस र एमाले बाहेकका दलको चुनावी गठबन्धन बनेको छ । कांग्रेस र एमाले एक्लाएक्लै चुनावी मैदानमा छन् । विसं २०७४ को स्थानीय तह निर्वाचनमा कनकाईमा प्रमुख र उपप्रमुखमा एमालेका राजेन्द्र पोखरेल र मञ्जु प्रसाईं विजयी भएका थिए । एमालेले दुवैैलाई सोही पदमा दोहोर्याएको छ । कांग्रेसले प्रमुखमा रुद्रप्रसाद चिमरिया र उपप्रमुखमा आशा शर्मा (शिवाकोटी)लाई उम्मेदवार बनाएको छ । कांग्रेसका बागी उम्मेदवार शेरबहादुर थापाले कांग्रेस र एमाले बाहेकका चार दलको गठबन्धन बनाएका छन् ।

थापाको गठबन्धनमा नेकपा (एकीकृत समाजवादी), माओवादी केन्द्र र जनता समाजवादी पार्टी सामेल छ । गठबन्धन बाट प्रमुखमा थापा र उपप्रमुखमा एकीकृत समाजवादीकी अम्बिका उप्रेती उम्मेदवार छन् । विवेकशील साझा पार्टीले भीम अधिकारीलाई उम्मेदवार बनाएको छ । यस्तै, दमक नगरपालिकामा राष्ट्रिय प्रजातन्त्र पार्टीको नेतृत्वमा बृहत् गठबन्धन बनेको छ । एमाले एक्लै चुनावी मैदानमा छ । दमकमा नगरप्रमुखमा राप्रपाका राम थापा र उपप्रमुखमा कांग्रेसकी रेगिना भट्टराई उम्मेदवार छन् ।

एमालेले गीता अधिकारीलाई प्रमुख र अम्बिका खनाललाई उपप्रमुखमा उम्मेदवार बनाएको छ । राप्रपा सहितको गठबन्धनमा कांग्रेस र माओवादी केन्द्र संलग्न छ । जनता समाजवादी पार्टीले अलग्गै उम्मेदवार खडा गरेको छ ।

प्रकाशित मिति / समय : वि.सं.२०७९ वैशाख २३ शुक्रवार ०८:२०