काठमाडौं ।राजश्व अनुसन्धान विभागले राजश्व चुहावट गर्ने निरज ट्रेडर्स विरुद्ध करोडौं रकम मागदाबी गर्दै मुद्धा दायर गरेको छ । विभागले चितवनमा व्यवसाय गर्ने ट्रेडर्सका सञ्चालकहरू श्रीराम ठाकुर र जटशंकर जैसवाल विरुद्ध मुद्धा दायर गरेको हो ।
जालसाजीयूक्त, नक्कली तथा झुट्टा मूल्य अभिवृद्धि कर बीजक खरिद गरेर वित्तीय विवरणहरू तथा आय विवरणहरू तयार गरेर कम्पनीले राजश्व चुहावट गरेको पाइएको विभागले जानकारी दिएको छ । राजश्व अनुसन्धान (अनुसन्धान तथा नियन्त्रण) ऐन, २०५२ (पहिलो संशोधन सहित) को दफा ३ ले सोही ऐनको दफा ४(क) र (झ) बमोजिम कसुर गरेको पुष्टी हुन आएको छ ।
कम्पनीले २ करोड ४१ लाख ३५ हजार ९४१ रुपैयाँ मूल्य अभिवृद्धि कर र ५ करोड ५७ लाख १६ हजार ६१२ रुपैयाँ आयकर गरी कूल ७ करोड ९८ लाख ५२ हजार ५५३ रुपैयाँ राजश्व चुहावट गरेको थियो । त्यसैले, सोही रकम बराबरको जरिवाना रकम सहित कूल १५ करोड ९७ लाख ५ हजार १०६ रुपैयाँ मागदाबी सहित अदालतमा मुद्धा दायर भएको हो ।
