काठमाडौँ। सरकारले स्थानीय तहको निर्वाचन सकिए सँगै ह्वात्तै मूल्य वृद्धि गरेको छ ।चुनाव लगत्तै पेट्रोलियम पदार्थको मूल्य वृद्धि गरेको गठबन्धन सरकारले अहिले अन्तर प्रदेशमा सञ्चालित सार्वजनिक सवारीमा भाडा बढाएको छ ।
यातायात व्यवस्था विभागले मंगलबार बाट लागू हुनेगरी भाडा वृद्धि गरिएको जनाएको छ ।विभागले एक सूचना जारी गर्दै पेट्रोलियम पदार्थको मूल्य बढे सँगै स्वचालित प्रणाली अनुसार भाडा वृद्धि भएको जनाएको छ ।
सार्वजनिक यातायातको भाडा समायोजन गर्दा इन्धनको बजार मूल्य ५ प्रतिशत भन्दा बढी बढेमा वा घटेमा वैज्ञानिक भाडा समायोजन प्रणाली अनुसार स्वचालित रुपमा अन्तर प्रदेश सार्वजनिक यातायातको भाडा बढाइएको विभागले जनाएको छ ।
पेट्रोलियम पदार्थको मूल्य घटेमा फेरि स्वचालित प्रणाली अनुसार भाडा घट्ने छ भने पेट्रोलियम पदार्थको मूल्य बढेमा थप बढ्नेछ । यसअघि विभागले जेठ ४ र २०७८ चैत २० गते भाडा वृद्धि गरेको थियो । आयल निगमले आइतबार राति देखि पेट्रोल र डिजेलको मूल्य लिटरमै १० रुपैयाँ बढाएको थियो । सोही कारण देखाएर बिभागले भाडा बढाएको हो ।
