एउटै मञ्चमा आज पहिलो पटक बालेन, रवि र गगन
पत्रपत्रिका बर्गिकरण २०७५\७६ र २०७६\ ७७ को अन्तिम नतिजा प्रकाशित
वि.सं.२०७९ जेठ १२ बिहीवार ०८:३४
637
shares
shares
काठमाडौं ।प्रेस काउन्सिल नेपालले आ.व. २०७५।०७६ र २०७६।०७७ को पत्रपत्रिका वर्गीकरणको नतिजा मिति २०७८।१०।१६ मा सार्वजनिक गरी प्रकाशित नतिजामा चित्त नबुझाउनेहरुको लागि पुनरावलोकन दिन सक्ने व्यवस्था गरिएको थियो । सो नतिजा उपर पुनरावलोकनको लागि आ.व. २०७५।०७६ को लागि ६५ वटा र २०७६।०७७ को लागि २२५ वटा निवेदन प्राप्त भएको थियो ।
प्राप्त निवेदन सहितका कागजात अध्ययन एवं पुनःमूल्याङ्कन गरी पुनरावलोकन सहितको आ.व. २०७५।०७६ र २०७६।०७७ को पत्रपत्रिका वर्गीकरणको अन्तिम नतिजा प्रकाशन गरिएको छ । पुनरावलोकन सहित आ.व. २०७५।०७६ मा ८७५ पत्रपत्रिका वर्गीकरणमा परे भने कागजात नपुग, अङ्क नपुग र हुबहु भएका कारण ८ वटा पत्रपत्रिकाहरु वर्गीकरणमा समावेश हुन सकेनन् ।
त्यस्तै आ.व. २०७६।०७७ मा पुनरावलोकन सहित ८६३ पत्रपत्रिका वर्गीकृत भई कागजात नपुग, अङ्क नपुग, हुबह र स्थगनमा रहेका कारण १७ वटा पत्रपत्रिकाहरु वर्गीकरणमा समावेश भएका छैनन् ।
