विष्णु पौडेललाई काठमाडौं ल्याइयो
प्रधानमन्त्री अनुपस्थित हुनुलाई लोकतन्त्र तथा संसदको संसदीय प्रणाली प्रतिकूल भन्ने कि नभन्ने विषयमा विवाद
वि.सं.२०७९ असार ५ आइतवार १४:०६
650
shares
shares
काठमाडौं । अन्तर्राष्ट्रिय सम्बन्ध समितिमा प्रधानमन्त्री अनुपस्थित हुनुलाई लोकतन्त्र तथा संसदको संसदीय प्रणाली प्रतिकूल भन्ने कि नभन्ने विषयमा विवाद भएको छ । समितिले अमेरिकाको स्टेट पार्टनरसीप प्रोग्राम (एसपीपी) र आसन्न अमेरिका भ्रमण बारे छलफल गर्न प्रधानमन्त्री शेरबहादुर देउवालाई आइतबार बोलाएको थियो । तर अन्तिम समयमा प्राधनमन्त्रीको सचिवालयले आइतबारको बैठकमा उपस्थित हुन नसक्ने जानकारी गराएको थियो ।
समिति सभापति पवित्रा निरौला खरेल स्वयंमले समितिलाई अपमान गरेको महसुस भएको बताएकी थिइन् भने कांग्रेस सांसदहरुले कार्यव्यस्तताका कारण होला भन्दै बचाउ गरेकी थिइन् । लामो छलफलपछि निर्णय गर्ने बेला भयो । नेकपा एमाले सांसद ईश्वर पोखरेलले निर्णयको खेस्रा तयार पारे, जसमा प्रदीप ज्ञवालीले पनि सहमति जनाएपछि समिति सभापति खरेलले निर्णय मस्यौदा गर्न पठाइन् । सभापतिले त्यही निर्णय प्रस्ताव गरेपछि विवाद सुरु भएको हो । प्रधानमन्त्री संसदीय समितिमा अनुपस्थित हुनु लोकतन्त्र तथा संसदको संसदीय प्रणाली प्रतिकूल भएकाले ध्यानाकर्षण गराउने निर्णय गर्ने प्रस्ताव गरिन् ।
तर कांग्रेस र माओवादी सांसदहरुले सहमति जनाएनन् । प्रधानमन्त्री आएको भए राम्रो हुन्थ्यो भनेका उनीहरुले लोकतन्त्रको प्रतिकूल भनेर भन्न नसकिने बताएका छन् । कांग्रेस सांसद पुष्पा भुसालले फेरि पनि बोलाउन सकिने तर, प्रस्ताव अनुसार निर्णय गर्न नहुने बताइन् ।भुसालको प्रश्न छ, ‘केपी ओलीलाई साढे ३ बर्ष समितिमा उपस्थित गराउन नसक्दा केही निर्णयमा पहल नगर्ने, अहिले प्रश्न गर्ने गरी निर्णय गर्ने, किन ?’
