विश्व बजारमा अमेरिका-इरान युद्ध अघिकै मूल्यमा झर्यो कच्चा तेलको मूल्य
वामदेव गौतमले आफुलाई निष्काशन गर्नेहरूलाई निष्काशन गरे
वि.सं.२०७९ असार १९ आइतवार १४:५५
663
shares
shares
काठमाडौं ।राष्ट्रिय एकता अभियान बाट संयोजक वामदेव गौतमलाई नै निष्कासित गरेको भन्दै विज्ञप्ति निकाल्ने पाँच जनालाई गौतमले जवाफी कारबाही गर्नुभएको छ । गौतमले सचिवालय सदस्य युवराज सफल सहित पाँचै जनालाई निष्कासन गर्ने निर्णय लिनुभएको हो । पार्टीका प्रचार विभाग प्रमुख निमकान्त पाण्डेले अनुशासन विपरीतका क्रियाकलाप गरेकाले उनीहरू माथि कारबाहीको निर्णय भएको बताउनु भयो । पार्टीका ९ जना सचिवालय मध्ये ७ जना बैठकमा सहभागी भएको पाण्डेको दावी छ ।
पाण्डेका अनुसार युवराजलाई कुनै पनि अवस्थामा पार्टीमा नफर्काउने गरी निष्कासन गरिएको छ भने अन्य ४ जनालाई आत्मालोचना गरेमा पार्टीमा फर्कन सकिने विकल्प दिइएको छ । शनिवार वामदेवलाई कारबाहीको विज्ञप्ति जारी गर्नेहरूले आफूहरू सँग पार्टीको बहुमत रहेको दाबी गरेका थिए । तर, उनीहरूको दाबी हास्यास्पद रहेको पाण्डेले गौतम पक्षको जिकिर छ ।
‘९ जना सचिवालय सदस्य मध्ये ८ जना वामदेव कामरेड सँगै छौं । ६९ जना केन्द्रीय सदस्य मध्ये उहाँहरू सँग ७–८ जना हुनुहुन्थ्यो । हिजो हस्ताक्षर गरेका बाहेक अरुले पार्टीमै रहन्छौं भनिरहनुभएको छ,’ पाण्डेको भनाई छ । पाण्डेका अनुसार राष्ट्रिय एकता अभियानले आयोजना गरेको भेलामा युवराज सहितका केही व्यक्तिहरू आमन्त्रित सदस्यका रूपमा सहभागी हुनुहुन्थ्यो ।
