निजिक्षेत्रका संञ्चारमाध्यमलाई सरकारी विज्ञापन नदिने सरकारको निर्णय विरूद्धको रिटमा सक्कल निर्णय झिकाउने आदेश, सोमवार फेरि...
माओबादीको बैठक आज बस्दै, अध्यक्षले पदाधिकारीको नाम पेश गर्ने, कसैले बिरोध गर्न नपाउने
वि.सं.२०७९ असार २२ बुधवार ०७:३८
559
shares
shares
काठमाडौं ।नेकपा माओवादी केन्द्रको केन्द्रीय कमिटी बैठक आज बस्दै छ । आजको बैठकमा पार्टीको पोलिट्ब्यूरो, स्थायी कमिटी र पदाधिकारीको प्रस्ताव अध्यक्ष पुष्पकमल दाहाल ‘प्रचण्ड’ले ल्याउने बताइएको छ ।
माओवादी केन्द्रको पूर्वस्थायी कमिटी र इन्चार्जहरूको बैठकले पार्टीको पोलिट्ब्यूरो, स्थायी कमिटी र पदाधिकारीको प्रस्ताव ल्याउने जिम्मा अध्यक्ष प्रचण्डलाई दिएको छ । प्रचण्ड निवास खुमलटारमा हिजो बसेको बैठकले आजको केन्द्रीय कमिटी बैठकमा कमिटी र पदाधिकारीको प्रस्ताव गर्ने जिम्मेवारी दिएको थियो ।
नेता गणेश साहले आजको बैठकमा पोलिट्ब्यूरो, स्थायी कमिटी गठन गर्ने र पदाधिकारी चयन गर्ने बताए । उनका अनुसार सबै प्रस्ताव ल्याउने जिम्मा अध्यक्षलाई दिइएको छ । उनले भने, “अध्यक्षले ल्याउने प्रस्ताव सबैले स्वीकार गर्नुपर्ने सहमति भएको छ ।” मंगलबार बोलाइएको बैठक आजका लागि स्थगित गरेर नेताहरू छलफलमा जुटेका थिए ।
