नेपाल प्रहरीका १३ एसपीको काज सरूवा, को कहाँ ?
वि.सं.२०७९ साउन १६ सोमवार ०७:२५
shares

काठमाडौं ।गृह मन्त्रालयले नेपाल प्रहरीका १३ जना प्रहरी उपरीक्षक ‘एसपी’को काज सरुवा गरेको छ। सरुवा सँगै चार जिल्लाका प्रहरी प्रमुख पनि फेरिएका छन्। आइतबार गरिएको काज सरुवा अनुसार उदयपुरमा एसपी ज्ञानेन्द्रप्रसाद फुयाँल, सुनसरीमा प्रभुप्रसाद ढकाल, इलाममा दिलिप घिमिरे र नुवाकोटमा रमेश पण्डित प्रहरी प्रमुखका रूपमा खटिएका छन्।
यस्तै उदयपुरका एसपी सुवासचन्द्र बोहोरा प्रहरी प्रशासन सिंहदरबार, सुनसरीका सञ्जयसिंह थापा केन्द्रीय अनुसन्धान ब्यूरो ‘सीआईबी’ र इलामका महेन्द्र श्रेष्ठ मधेश प्रहरी कार्यालयको आर्थिक प्रशासन शाखामा सरुवा भएका छन् भने, नुवाकोटका एसपी रामप्रकाश शाह प्रहरी प्रधान कार्यालय, नक्साल पठाइएका छन् ।





































