काँग्रेसले टुङ्ग्यायो प्रमुख सचेतक र सचेतक
पुतलीबजार नपा नगर अधिवेशनः गोपालमानका नाती भर्सेस विपीसँग जोडिएको परिवारका अधिकारी
वि.सं.२०७८ असोज ८ शुक्रवार २३:०३
585
shares
shares
काठमाडौं । नेपाली कांग्रेसको १४ औं महाधिवेशन अन्तर्गत शनिबार पालिका अधिवेशन हुँदै छ । नगर तथा गाउँपालिकाहरुमा हुने अधिवेशनको लागि कांग्रेसकै विभिन्न समूहहरु प्रतिस्पर्धामा होमिएका छन् । यसैअन्तर्गत स्याङ्जाको पुतलीबजार नगरपालिकाका लागि बिक्रान्तकुमार श्रेष्ठ र सुरजकुमार अधिकारीले उमेदवारी घोषणा गरेका छन् ।
कांग्रेसका उपसभापति गोपालमान श्रेष्ठको गृह नगर पुतलीबजारको नगर अधिवेशनलाई महत्वका साथ हेरिएको छ । पछिल्लो समय जिल्लाका साना विवादमा मुछिदै आएका श्रेष्ठ नगर अधिवेशनमा पनि अछुतो रहन सकेनन् ।
उनले आफ्नै नाती विक्रान्त श्रेष्ठ (सुवर्ण) लाई नगर सभापतिको उम्मेदवार बनाएपछि उनकै समूहभित्र पनि विवाद चर्किएको थियो । जिल्लामा सधै आफ्नो परिवार च्याप्ने श्रेष्ठले यसपटक पनि आफ्नै नातीलाई उम्मेदवार बनाएपछि विवाद चर्किएको हो । यसअघि श्रेष्ठकै सक्रियतामा सुवर्ण उद्योग वाणिज्य संघ स्याङ्जाको अध्यक्ष समेत भएका थिए । त्यसो त उनले संघको अध्यक्ष रहँदाको समयमा विविध आर्थिक अनियमितता गरेको भन्दै आलोचना गर्ने समूहको पनि कमी छैन् ।
उनी संघको अध्यक्ष रहँदा जिल्लामा आयोजना गरेका सांस्कृतिक कार्यक्रम तथा महोत्सव गर्दाको हिसाबकिताव अहिलेसम्म पनि मिलाउन नसकेकोले प्रशासनमा उनका बिरुद्धमा आर्थिक हिनामिनाका मुद्दाहरु अहिलेसम्म पनि विचाराधीन रहेको गोप्य स्रोतले जनाएको छ । केन्द्रीय नेता श्रेष्ठले आफ्नै नाती उम्मेदवार बनाउनु र यसरी मुद्दाहरु समेत खेपिरहेको हुँदा नगरभित्रका धेरै क्षेत्रीय प्रतिनिधिहरु त्यसको विरुद्धमा रहेको स्वंयम क्षेत्रीय प्रतिनिधिहरु बताउँछन् ।
यता, उनका प्रतिद्धन्द्धी रुपमा उम्मेद्वारी दिएका पुतलीबजार न.पा.- १० निवासी सुरजकुमार अधिकारीलाई जिल्लामा बलियो रहेको राजु थापा समूहले सहयोग गरेको छ । लामो समय स्थानीय तहको राजनीतिमा सक्रिय रहेका अधिकारीको परिवार पार्टीका विपी कोइरालासँग जोडिएको परिवार भएको भनेर चर्चा गरिएको छ । उनको परिवार विपीसँग नजिक भएकै कारण विपीका मुद्दामा अधिकारीको परिवारलाई समेत मुछिएको र उनको परिवारको सर्वस्व हरण समेत भएको स्याङ्जा कांग्रेसका पुराना कार्यकर्ताको भनाइ छ ।
आर्थिक हिनामिनाको मुद्दा र श्रेष्ठका नातेदार नै भएका कारण गोपालमानसँग रुष्ट बनेका आम कांग्रेसीहरुले सुवर्णको विकल्पमा अधिकारीलाई रोज्ने भएकाले वडा अधिवेशनमा जस्तै नगर अधिवेशनमा पनि राजु थापा पक्षको पल्लाभारी हुने आकलन गरिएको छ ।
