काँग्रेसले टुङ्ग्यायो प्रमुख सचेतक र सचेतक
जुवाखालबाट १२ लाख ४३ हजारसहित १५ जना पक्राउ
वि.सं.२०७८ कात्तिक २१ आइतवार १७:१४
663
shares
shares
प्रहरीले जुवाखालबाट नगदसहित १५ जनालाई पक्राउ गरेको छ। गएराति चाँगुनारायण नगरपालिका– ८ सुडाल पुरीगाउँस्थित मणिराम पुरीका घरमा जुवा खेलिरहेका अवस्थामा महानगरीय प्रहरी परिसर भक्तपुरबाट प्रहरी निरीक्षक लोकबहादुर जिसीको कमान्डमा गएको टोलीले उनीहरूलाई पक्राउ गरेको हो।
प्रहरी परिसरका प्रहरी नायब उपरीक्षक एवं सूचना अधिकारी दीपक गिरीले जुवातास खेलिरहेको जानकारी आएपछि गएको टोलीले पुरीका घरमा छापा मार्दा जुवातास खेलिरहेका अवस्थामा नगद रु। १२ लाख ४३ हजार सात सय ८० सहित १५ जनालाई पक्राउ गरेको जानकारी दिए।
उनका अनुसार पक्राउ पर्ने जुवातास खेलाउने घरधनी ५२ वर्षीय मणिराम पुरी, जुवा खेल्ने २५ वर्षीय सुशील खत्री, २८ वर्षीय चन्द्रशेखर खत्री, ३३ वर्षीय नवराज खत्री, ५१ राजन कार्की, ४२ वर्षीय चिरञ्जीवी फुँयाल, ३० वर्षीय जनक खत्री, ४३ जीवन श्रेष्ठ, ३७ वर्षीय परमेश्र थापा, ३८ वर्षीय प्रेमकुमार विक, ४५ वर्षीय सरोज भण्डारी, ३९ विनोद तिमिल्सिना, ३५ वर्षीय विकास लामा, ३८ वर्षीय रूपेश न्याजू र काठमाडौं गोकर्णेश्वर नगरपालिका– २ नयाँपाटीका ५० वर्षीय रामु भण्डारी छन्।
प्रहरीका अनुसार पक्राउ पर्नेमा राजनीतिक दलसम्बद्ध केही युवानेता र पत्रकारसमेत छन्। यसअघि पनि चाँगुनारायणबाट केही युवानेतासहित प्रहरीले पक्राउ गरी नौ हजार धरौटीमा रिहा गरेको थियो। प्रहरीले नेताको नाम भने सार्वजनिक गरेको थिएन। मणिराम पुरीले यसअघि पनि पटक–पटक जुवातास खेलाउँदै आएको अनुसन्धानबाट खुल्न आएको सूचना अधिकारी गिरीले जानकारी दिए।
