चिनियाँ राष्ट्रपति सी आज संयुत राष्ट्रसंघको महासभामा भागलिन वासिङटन पुग्दै, अमेरिकी राष्ट्रपति ट्रम्पले स्वागत गर्ने
प्रहरीले सर्वसाधारणलाई चेकिङमा कुटपिट गरेको घटना छानबिन गर्न समिति
वि.सं.२०८१ माघ ७ सोमवार १०:४१
858
shares
shares
काठमाडौँ । सडकमा चेकिङ गर्दा सर्वसाधारणले आफ्ना मान्छेलाई फोन गरेको आरोपमा कुटपिट गर्ने प्रहरी कर्मचारीमाथि छानबिन थालिएको छ । दुई पाङ्ग्रे सवारी रोकेर चेकजाँच गर्दा चालकले फोन गर्न खोजेपछि प्रहरीले ‘पावर देखाएको ?’ भन्दै निर्घात कुटपिट गरेको भिडियो सामाजिक सञ्जालमा भाइरल छ ।
सामाजिक सञ्जालमा भिडियो पोस्ट गर्नेले सो घटना चितवनको भनेका छन् । सो घटनाबारे छानबिन थालिएको चितवनका एसपी गौतम मिश्रले बताए । छानबिनका लागि डीएसपी ज्ञान कुमार महतोको नेतृत्वमा समिति गठन गरिएको छ ।
एसपी मिश्र भन्छन्, ‘घटना चितवनको भनिएको छ, त्यसबारे समितिले तथ्य पत्ता लगाएर प्रतिवेदन दिएपछि संलग्न प्रहरी कर्मचारीलाई कारबाही प्रक्रिया अघि बढाउँछौँ ।’
