आज सोमवार सुनको मूल्य १४०० ले घटयो
काठमाडौंमा अब दुई जना प्रहरी उपरीक्षक रहने
वि.सं.२०८१ माघ २२ मंगलवार १२:१९
975
shares
shares
काठमाडौं । राजधानीको सुरक्षा जिम्मेवारी भएको जिल्ला प्रहरी परिसर, काठमाडौंमा अब दुई जना प्रहरी उपरीक्षक (एसपी) रहने भएका छन् ।
सुरक्षा संवेदनशीलतालाई ध्यान दिँदै प्रहरी प्रधान कार्यालयले प्रहरी वरिष्ठ उपरीक्षक (एसएसपी) को नेतृत्वमा रहने यो कार्यालयमा दुई जना एसपी पठाएको हो ।हालै भएको सरुवामार्फत काठमाडौं प्रहरीमा अपिलराज बोहोरा र कुलदीप चन्द काठमाडौं पठाइएका छन् ।राजधानीलाई सुरक्षाको दृष्टिकोणले अझ मजबुद बनाएर लैजान संगठनले दुई जना एसपीको आवश्यकता महसुस गरेको काठमाडौं प्रहरी प्रमुख एसएसपी विश्व अधिकारीले बताए ।
केहीअघि प्रहरीको आन्तरिक समितिले समेत काठमाडौंमा दुई जना प्रहरी उपरीक्षक (एसपी) राख्न सिफारिस गरेको थियो । एसपीका रुपमा सरुवा भएका बोहोरा र चन्दले डीएसपी छँदा काठमाडौं प्रहरी अन्तरगतको प्रहरी वृत्तको नेतृत्व गरिसकेका छन् ।
