नेपाल पत्रकार महासङ्घका पूर्वपदाधिकारीले पत्रकार पक्राउको विरोधमा शनिबार मौन धर्ना दिने
जेनजीहरूको प्रदर्शनका क्रममा अराजक तत्वहरूको घुसपैठ : प्रधानमन्त्री ओली
वि.सं.२०८२ भदौ २३ सोमवार २१:०६
858
shares
shares
काठमाडौं । प्रधानमन्त्री केपी शर्मा ओलीले सोमबार भएको जेनजीहरूको प्रदर्शनका क्रममा घुसपैठ भएको बताएका छन् । सोमबार साँझ बसेको मन्त्रिपरिषद् बैठकमा सोमबारको प्रदर्शनबारे ब्रिफिङ गर्दै उनले यस्तो बताएका हुन् ।
जेनजीहरूको मागबारे सरकार संवेदनशील भएको, उनीहरू सचेत भएको लगायतका ब्रिफिङ गर्दै प्रधानमन्त्री ओलीले अन्य अराजक तत्वहरूले घुसपैठ भएको बताए ।‘जेनजीहरू सकारात्मक तरिकाले प्रदर्शनमा उत्रिएका थिए । युवा पुस्ताहरूको शान्तिपूर्ण आन्दोलन राम्रै हुने अपेक्षा थियो,’ प्रधानमन्त्रीले ब्रिफिङका क्रममा भनेका थिए, ‘हामी संवेदनशील पनि थियौं । तर, त्यो आन्दोलनमा घुसपैठ भएको महसुस भएको छ ।’
उनले घुसपैठ भएको कुरा जेनजीहरूले पनि स्वीकार गरिसकेको समेत बैठकमा ब्रिफिङ गर्ने क्रममा भने ।‘यो कुरा जेनजीले पनि स्वीकार गरेको छ । सोही घुसपैठका कारण युवाहरूको ज्यान गयो,’ प्रधानमन्त्रीले भनेका थिए ।
