सञ्चार माध्यमका लागि नयाँ विज्ञापन नीति २०८३ चाडौ आँउछ: सञ्चार मन्त्री तिमिल्सिना
भाद्र २४ गतेको आगजनी सुनियोजित न्युयोर्क टाइम्सले भन्यो, निष्पक्ष छानबिन गर कार्की सरकार
वि.सं.२०८२ असोज २७ सोमवार १९:०१
897
shares
shares
काठमाडौं । गत भदौ २३ र २४ गते भएको जेनजी आन्दोलन उग्र बन्दा नेपालले व्यहोरेको क्षतीका विषयमा प्रतिष्ठित न्यूयोर्क टाइम्स अखबारले भदौ २४ गतेका दिन देशभर भएका आगजनी सुनियोजित रहेको जनाएको छ । न्यूयोर्क टाइम्सले आइतबार एक खोजमूलक सामग्री प्रकाशित गदै सो समयमा नेपालमा भएको आगजनी सुनियोजित रहेको उल्लेख गरेको हो ।
अघिल्लो दिन १९ जनाको ज्यान जानेगरी सुरक्षाकर्मीले भ्रष्टाचारविरोधी प्रदर्शनमा सुरक्षाकर्मीले गोली चलाएको विरोधमा भोलिपल्ट आगजनी भएको आम बुझाइ छ । यद्यपि आफ्नो अनुसन्धानमा यस बुझाइमा आशङ्का गर्ने ठाउँ रहेको टाइम्सले उल्लेख गरेको छ ।न्यूयोर्क टाइम्सले दर्जनौँ प्रत्यक्षदर्शी, सहभागी र आगलगीविदसँगको कुराकानी, घटनाका भिडियो र तस्बिरको विश्लेषण तथा घटनास्थलमा टाइम्सका प्रतिनिधिको भ्रमणपछि उक्त सामग्री प्रकाशित गरेको हो । समाचारमा यस्तो ‘राष्ट्रव्यापी सुनियोजित विध्वंशकारी आक्रमण’ बारे नयाँ विवरणको खुलासा हुने र ती घटना स्वस्फूर्त भएकोमा आशङ्का उत्पन्न हुने उल्लेख गरिएको छ ।
भदौ २३ गते प्रदर्शनमा गोली चलेको केही घण्टालगत्तै ‘प्रयोग गर्न तयार सूची’ अनलाइनमा सार्वजनिक हुन थालेको थियो । ती सूचीमा भ्रष्टाचार र नातावादको सञ्जालमा आबद्ध रहेको ठानिएका समाजका सदस्यको निजी विवरण समावेश थिए ।भोलिपल्टको दिउँसो ती मानिसको आवासमा आगो लाग्न थालिसकेको थियो । नेपालको कार्यकारी, व्यवस्थापिका र न्यायपालिका शाखालाई पनि आगोले निलिसकेको थियो । न्यूयोर्क टाइम्सले यसलाई केही घण्टाको अवधिमा सयौँ हवाई आक्रमणसँग तुलना गरेको छ ।‘संगठनात्मक क्षमताबिना तपाईँले छोटो समयमा यति धेरै भवनमा आगो लगाउन सक्नुहुन्न ।’ एण्ड्रियू मूर एण्ड एशोसिएट्सका वरिष्ठ आगजनी अनुसन्धानकर्ता रिचर्ड ह्यागरले भनेका छन् , ‘यसका लागि हप्तौँ वा महिनाको योजना चाहिन्छ ।’
नेपाल प्रहरीको फोरेन्सिक प्रयोगशालाका प्रमुख पवन ढुङ्गाना अघिल्लो महिना भएको आगजनीको अनुसन्धान गर्न उनका टिमका कसैलाई पनि डाकिएको छैन । उनको प्रयोगशालामा परीक्षणका लागि हालसम्म कुनै पनि नमुना ल्याइएको छैन । उनका आगोका भग्नावशेष अब अप्रासङ्गीक भइसकेका छन् ।जेनजी आन्दोलका विषयमा नेपालमा पनि विभिन्न स्वार्थ समुहले युवाहरुलाई ढाल मात्रै बनाएको टिकाटिप्पणी भइरहेको छ । जसले युवाहरुलाई ढाल बनाएका थिए तिनैले अहिले आन्दोलनलाई पनि हाईज्याक गरेको आरोप लाग्दै आएको छ । यसबीचमा काठमाडौं महानगरपालिकाका मेयर बालेन शाहको नाम पनि विभिन्न पक्षले जोड्दै आएका छन् । कुनै वेला फरक सन्दर्भमा बालेनले सिंहदरबारमा आगो लगाउने आक्रोशपूर्ण अभिव्यक्ति दिएका थिए ।
