बालेन सरकारले संसदको सर्वोच्चतालाई अवमूल्यन गर्यो : नेपाली काँग्रेस
पूर्वअध्यक्ष कमल थापालको अध्यक्ष राजेन्द्र लिङ्देनलाई पत्र
वि.सं.२०७८ माघ १६ आइतवार १८:२२
598
shares
shares
राष्टिय प्रजातन्त्र पार्टी (राप्रपा) का पूर्वअध्यक्ष कमल थापाले अध्यक्ष राजेन्द्र लिङ्देनलाई पत्र लेख्दै आफ्नो मागलाई बेवास्ता गरे पार्टीमा दुर्घटना हुने चेतावनी दिएका छन् ।
पार्टीको महाधिवेशनमा अध्यक्षमा पराजित भएका थापाले निर्मल निवासले नाङ्गो हस्तक्षेप गरेको दाबी गर्दै आएका छन् । राप्रपालाई निर्मल निवासले चलाउने प्रयास स्वीकार्य नहुने भन्दै उनले यसबारे पार्टी बैठकमा औपचारिक रुपमा छलफल गर्न माग गरेका छन् ।
उनले आइतबार अध्यक्ष लिङ्देनलाई पठाएको ध्यानाकर्षण पत्रमा भनेका छन्, ‘मैले मंसिर २७ गते पठाएको पत्रमा उल्लेखित विषयलाई तत्काल केन्द्रीय कार्यसमिति बैठकमा पेश गर्न र त्यसबारे आवश्यक सम्बोधन गर्न आग्रह गर्दै यो स्मरण पत्र पुन पठाएको छ ।’आफूले पार्टी महाधिवेशनमा भएको निर्वाचन परिणामलाई चुनौती नदिएको र ५ वर्ष पार्टी लिङ्देनले नै चलाउने उनले बताएका छन् । तर पार्टीलाई रिमोट कन्ट्रोलबाट चलाउने योजना स्वीकार्य नहुने उनले बताएका छन् ।राप्रपा सक्रिय र निरंकुश राजतन्त्रको पक्षमा छैन भन्न हिचकिचाउन नहुने समेत उनले बताएका छन् । राप्रपालाई राष्ट्रवादी र प्रजातन्त्रवादी मान्यता बोकेका जनताको स्वाभिमानी पार्टीका रुपमा कायम राख्नुपर्ने उनको जोड छ ।
उनले चेतावनीपूर्ण भाषामा अघि भनेका छन्, ‘फेरि पनि मेरो मागलाई उपेक्षा गरेर मलाई भित्तामा पुर्याउने तथा पार्टीलाई दुर्घटनातर्फ धकेल्ने कार्य तपाईबाट हुने छैन भन्ने अपेक्षा गरेको छु ।’
