प्रधान न्यायाधीश सिफारिससम्बन्धी निर्णयका लागि संवैधानिक परिषद्को बैठक जारी
सामसङ नेपालले सार्वजनिक गर्यो ग्यालेक्सी बड़स ३ एफई नेपालमा, कति पर्दछ मूल्य ?
वि.सं.२०८२ कात्तिक २४ सोमवार १३:२८
1.89K
shares
shares
काठमाडौं । सामसङ नेपालले ग्यालेक्सी बड्स ३ एफई नेपाली बजारमा सार्वजनिक गरेको छ ।
कम्पनीका अनुसार यो एक आकर्षक र बुद्धिमानी ट्रू–वायरलेस इयरबड्स हो, जसले फ्ल्यागशिप स्तरका सुविधाहरूलाई अझ विस्तृत प्रयोगकर्तासम्म पुर्याउँछ । नवीनतम ग्यालेक्सी एआई एकीकरण र आइकोनिक ‘ब्लेड’ डिजाइनसहित बड्स ३ एफईले ग्यालेक्सी इकोसिस्टमअन्तर्गत अडियो नवप्रवर्तनको नयाँ युगको सुरुवात गरेको छ । यो उपकरण अहिले सामसुङ स्टोरमा १९,९९९ रुपैयाँमा उपलब्ध छ ।
ग्यालेक्सी बड्स ३ एफईलाई उत्कृष्ट मूल्यमा शक्तिशाली ध्वनि र परिष्कृत सुविधाहरू प्रदान गर्न इन्जिनियर गरिएको छ । ठूलो स्पिकर, उन्नत एक्टिभ न्वाइज क्यान्सेलेसन (एएनसी), र क्रिस्टल क्लियर कल टेक्नोलोजी– जसले मेसिन लर्निङद्वारा शोरयुक्त वातावरणमा समेत प्रयोगकर्ताको आवाजलाई अलग पार्छ, साथै यी इयरबडहरूले गहिरो ध्वनि र स्पष्ट सञ्चार सुनिश्चित गर्छन् ।
कम्पनीका अनुसार ग्यालेक्सी इकोसिस्टमसँग सहज रूपमा एकीकृत हुन डिजाइन गरिएका बड्स ३ एफईले अटो स्विच समर्थन गर्छ, जसले ग्यालेक्सी उपकरणहरू बीच छिटो रूपान्तरण गर्न अनुमति दिन्छ । साथै, एपरहित नियन्त्रण, र तीव्र कनेक्टिभिटीका कारण संगीत सुन्ने, कल गर्ने वा अन्तर्राष्ट्रिय यात्रा गर्दा समेत प्रयोगकर्ता सधैं जोडिएका, केन्द्रित र नियन्त्रणमा रहन सक्छन् ।
सामसङ नेपालका एमएक्स डिभीजनका डाइरेक्टर प्रणयरत्न स्थापित भन्छन्– ग्यालेक्सी बड्स ३ एफईमार्फत हामी ग्यालेक्सी एआई र स्मार्ट अडियोको शक्ति अझ बढी प्रयोगकर्तासम्म पुर्याउँदैछौँ– आकर्षक डिजाइन र पहुँचयोग्य रूपमा । योबिना सम्झौता सुन्ने, अन्तरक्रिया गर्ने र अनुभव गर्ने स्वतन्त्रता प्रदान गर्नका लागि हो ।
कम्पनीका अनुसार ग्यालेक्सी बड्स ३ एफई अहिले देशभरका अधिकृत सामसुङ खुद्रा स्टोरहरूमा उपलब्ध छ । साथै, हुलास फिनसर्भ हायर पर्चेज लिमिटेडद्वारा सञ्चालित सामसङ इन्स्टा फाइनान्स सेवामार्फत ग्राहकहरूले ० प्रतिशत ब्याजदरमा सजिलो ईएमआई विकल्पसहित नयाँ उपकरणहरू प्राप्त गर्न सक्नेछन् ।
